ސައިބަރ ސެކިއުރިޓީއަށް ހޭލުންތެރިކުރުމުގެ ހަރަކާތްތަކެއް ފ. އަތޮޅުގައި ފަށައިފި
ފާޠިމަތު ޢަރޫޝާ
ސައިބަރ ކުށްތަކުން ރައްޔިތުން ރައްކާތެރިކުރުމަށާއި، އިންޓަނެޓްގެ ޒަރީއާއިން ހިންގާ އެކި ބާވަތްތަކުގެ ކުށްތަކަށް ހޭލުންތެރިކަން އިތުރުކުރުމުގެ ގޮތުން ދިވެހި ފުލުހުންގެ ޚިދުމަތުން ފާފު އަތޮޅުގެ ރަށްތަކުގައި ޚާއްޞަ ހަރަކާތްތަކެއް މިއަދު ކުރިއަށް ގެންގޮސްފިއެވެ.
މި ހަރަކާތްތަކަކީ މޯލްޑިވްސް ޕޮލިސް ސަރވިސްގެ ސައިބަރ ކްރައިމް ސެންޓަރު އިން އިސްނަގައިގެން، އެ އަތޮޅުގެ ރަށްތަކުގެ ރައްޔިތުންނަށް އަމާޒުކޮށްގެން ކުރިއަށްގެންދާ ސިލްސިލާ ޕްރޮގްރާމްތަކެކެވެ. މިއަދުގެ ހަރަކާތްތަކުގެ ތެރެއިން އާންމު ރައްޔިތުންނަށް ސައިބަރ ސެކިއުރިޓީއާ ގުޅޭ މުހިންމު މަޢުލޫމާތުތައް ފޯރުކޮށްދީ، އޮންލައިންކޮށް ހިންގާ ސްކޭމްތަކުންނާއި މަކަރާއި ހީލަތުން ފައިސާ ހޯދާ މައްސަލަތަކުން ސަލާމަތްވާނެ ގޮތްތަކުގެ އިރުޝާދު ވަނީ ދީފައެވެ.
ފުލުހުން ހާމަކުރި ގޮތުގައި، މިފަދަ ހަރަކާތްތަކުގެ މައިގަނޑު ބޭނުމަކީ ޓެކްނޮލޮޖީގެ މި ޒަމާނުގައި އިންޓަނެޓް ބޭނުންކުރާއިރު ރައްކާތެރި ސުލޫކުތަކަށް އަހުލުވެރިކުރުވައި، ކުށްތަކަށް މަގުފަހިވާ ކަންކަން މަދުކުރުމެވެ. މި ޕްރޮގްރާމްތަކުގެ ދަށުން ފ. އަތޮޅުގެ އެކި ރަށްތަކުގެ މުއައްސަސާތަކަށާއި، ސްކޫލް ދަރިވަރުންނަށާއި، ބެލެނިވެރިންނަށް ވެސް ޚާއްޞަ ސެޝަންތަކެއް ކުރިއަށް ގެންދިއުމަށް ވަނީ ރޭވިފައެވެ.
ގުޅުންހުރި
ޚިޔާލުތައް (0)