ދަނޑުވެރިންގެ ގުޅުމުގެ ހިންގާ ކޮމެޓީ އެކުލަވާލައިފި
ޚާލިދު ސުލައިމާނު
ދަރަނބޫދޫ ދަނޑުވެރިންގެ ގުޅުމުގެ ހިންގާ ކޮމެޓީ އެކުލަވާލައިފިއެވެ. އެ ޖަމްޢިއްޔާގެ ފުރަތަމަ ދައުރުގެ ހިންގާ ކޮމެޓީގެ އިންތިޚާބު ކުރުމަށް ޖަމްޢިއްޔާގެ އާންމު ބައްދަލުވުން ބާއްވާފައިވަނީ މިމަހުގެ 15 ވަނަ ދުވަހުގެ ރޭގައެވެ.
ތިން އަހަރުގެ މުއްދަތަށް އިންތިޚާބުކުރެވޭ މި ޖަމްޢިއްޔާގެ ހިންގާ ކޮމެޓީގައި ހިމެނެނީ ރައީސަކާއި ނާއިބު ރައީސަކާއި ޚަޒާންދާރަކާއި ސެކްރެޓަރީއެއްގެ އިތުރުން އިތުރު 3 މެމްބަރުންނެވެ.
މި ޖަމްޢިއްޔާގެ ހިންގާ ކޮމެޓީއަށް މެމްބަރުން ކުރިމަތި ލުމުގެ ފުރުސަތު ހުޅުވާލުމުން އިންތިޚާބު ކުރެވޭ މަޤާމުތަކުގެ ތެރެއިން އިތުރު މެމްބަރުކަމަށް ފިޔަވައި ކޮންމެ މަޤާމަކަށް ކުރިމަތި ލެއްވީ އެއް ފަރާތުން ކަމުގައިވާތީ އެފަރާތްތައްވަނީ އޮޓޯއިން މަޤާމުތަކަށް ހޮވިފައެވެ. އިތުރު މެމްބަރުކަމަށް ހަތަރު ފަރާތަކުން ކުރިމަތި ލެއްވިއިރު، އޭގެ ތެރެއިން 3 ފަރާތެއްވަނީ މި ބައްދަލުވުމުގައި އިންތިޚާބު ކުރެވިފައެވެ.
ދަރަނބޫދޫ ދަނޑުވެރިންގެ ގުޅުމުގެ ހިންގާ ކޮމެޓީ އެކުލަވާލެވިފައިވާގޮތް:
ދަރަނބޫދޫ ދަނޑުވެރިންގެ ގުޅުމަކީ 2024 ވަނަ އަހަރުގެ ޑިސެމްބަރު މަހުގެ 8 ވަނަ ދުވަހު ރަޖިސްޓްރީ ކުރެވިފައިވާ ޖަމްޢިއްޔާއެކެވެ. މިއީ ދަރަނބޫދޫ ދަނޑުވެރިންގެ މެދުގައި ގުޅުން ބަދަހިކޮށް، ދަނޑުވެރިކަމުގެ ބާވަތްތަކާއި އުފެއްދުންތެރިކަން އިތުރުކުރުމަށް ދަނޑުވެރިން ގުޅިގެން އުފައްދާފައިވާ ޖަމްޢިއްޔާއެކެވެ.
ގުޅުންހުރި
ޚިޔާލުތައް (0)