ސައުދާގެ ކާމިޔާބީ ފާހަގަކުރުމަށް ދާއިރާގެ ދެރަށުގައި ހަވާއަރުވަނީ

އިޝްތިހާރު

އިއްޔެ ބޭއްވުނު ވިހިވަނަ ރައްޔިތުންގެ މަޖިލީހުގެ އިންތިޚާބުގައި ޕީއެންސީގެ ކެންޑިޑޭޓް ފާތިމަތު ސައުދާއަށް ލިބުނު ކާމިޔާބީ ފާހަގަކުރުމަށް ނިލަންދޫ ދާއިރާގެ ދެރަށުގައި ހަވާއަރުވަން ނިންމައިފިއެވެ.

ނިލަންދޫ ދާއިރާގައި ހިމެނޭ ނިލަންދޫ އަދި ދަރަނބޫދޫގައި ހަވާއެރުވުމަށް ނިންމާފައިވާއިރު، ދެރަށުގައިވެސް އެ ހަރަކާތް ކުރިއަށް ގެންދިއުމަށް ހަމަޖެހިފައިވަނީ މިމަހުގެ 25 ވަނަ ދުވަހުގެ ރޭ 21:30 ގައެވެ.

އިޝްތިހާރު

މަޖިލިސް އިންތިޚާބުގައި ސައުދާއަށް ލިބުނު ކާމިޔާބީ ފާހަގަކުރުމަށް އެކަމަނާ މިމަހުގެ 25 ވަނަ ދުވަހު އެކަމަނާ ނިލަންދޫ ދާއިރާއަށް ވަޑައިގަތުމަށްވަނީ ނިންމަވާފައެވެ. އެގޮތުން 25 ވަނަ ދުވަހު ދަރަނބޫދޫއަށް ވަޑައިގެން އެދުވަހުގެ ހަވީރާއި ހަމައަށް ހުންނަވާނީ ދަރަނބޫދޫގައެވެ. އެދުވަހުގެ ރޭގަނޑު ނިލަންދޫގައި ރަސްމީ ބައްދަލުވުމެއް ބޭއްވުމަށް ނިންމަވާފައިވާއިރު، ދެރަށުގެ ގޭގެއަށްވެސް އެކަމަނާ ވަޑައިގަންނަވާނެކަމަށް މަޢުލޫމާތު ލިބިފައިވެއެވެ. މިދަތުރުފުޅުގައި އެކަމަނާގެ އާއިލާގެ ބޭފުޅުންވެސް ބައިވެރިވެލައްވާނެކަމަށް މަޢުލޫމާތު ލިބެއެވެ.

ކުރިއަށް އޮތް ރައްޔިތުންގެ މަޖިލީހުގެ އިންތިޚާބު ސައުދާ ކާމިޔާބު ކުރެއްވީ އަމިއްލަގޮތުން ވާދަކުރެއްވި ކެންޑިޑޭޓް ތަފާތު ބޮޑު ނަތީޖާއަކުން ބަލިކުރުމަށްފަހުގައެވެ. މި ނަތީޖާއާއެކު ސައުދާ ވެފައިވަނީ މިދާއިރާގެ މަޖިލިސް އިންތިޚާބު އެންމެ ބޮޑު ފަރަގަކުން ކާމިޔާބު ކުރެއްވި ކެންޑިޑޭޓްގެ ގޮތުގައެވެ.

އިޝްތިހާރު