ކޮޅިގަނޑުގައި ޖެހި ފަޅުތެރޭ އޮތް ބޮއްކުރަލެއް އޮޅުކޮޅަށް ލައްވެއްޖެ
އުސާމަތު މޫސާ
ރާއްޖެއަށް މިހާރު ކުރަމުންދާ ވިއްސާރައިގައި ފ. ދަރަނބޫދޫ ބަނދަރުން ބޭރު ފަޅުތެރޭގައި އަޅާފައި އޮތް ބޮއްކުރަލެއް، އައި ކޮޅިގަނޑެއްގައި ޖެހި އެ ރަށުގެ އިރުމަތީ ފަރާތު އޮޅުކޮޅަށް ލައްވެއްޖެއެވެ.
މީސްމީޑިއާއިން މަޢުލޫމާތު ލިބޭ ގޮތުގައި، ބުރާސްފަތި ދުވަހުގެ ރޭ އެއްކޮށް ދަރަނބޫދޫއަށް ބޯކޮށް ވާރޭވެހި، ވަރަށް ބޮޑަށް ވައިބާރުވެގެން ދިޔައެވެ. އަދި އެރޭ އައި ވަރުގަދަ ކޮޅިގަނޑާއެކު ފަޅުތެރޭގައި އޮތް ބޮއްކުރާ ވަނީ އޮޔާގޮސްފައެވެ. މި ބޮއްކުރާ ރަށުގެ އިރުމަތީ ފަރާތު އޮޅުކޮޅަށް ލައްވެފައި އޮއްވައި ފެނިފައިވަނީ ހުކުރު ދުވަހުގެ ހެނދުނުގެ ވަގުތެއްގައެވެ.
ހުކުރު ދުވަހު ދަރަނބޫދޫގެ ޒުވާނުންގެ ބަޔަކު ނިކުމެ މި ބޮއްކުރާ ސަލާމަތްކުރިއިރު، އެ ބޮއްކުރާ އޮތީ އޮޅުކޮޅު ގޮނޑުދޮށުގެ ފަސްގަނޑުގައި ވަރަށް ބޮޑަށް ވަޅުލެވިފައެވެ. އެއްކޮށް ފައިބަރުކޮށްފައިވާ މި ބޮއްކުރަލަށް އެކިވަރުގެ ގެއްލުންތައް ވެފައިވާނެ ކަމަށް ބެލެވުނު ނަމަވެސް، ލިބުނު ގެއްލުމުގެ ތަފްޞީލެއް އަދި މުޅިއަކުން ސާފެއް ނުވެއެވެ.
މި ބޮއްކުރާ ސަލާމަތްކުރުމުގައި ޢަމަލީ ގޮތުން ޙަރަކާތްތެރިވި ޒުވާނަކު މީސްމީޑިއާ (ފޭސްބުކް) ގައި ހާމަކޮށްފައިވާ ގޮތުގައި، ބޮއްކުރާ އޮޔާގޮސް ލައްވާފައިވަނީ އެރޭ އައި ގަދަ ކޮޅިގަނޑުގެ ސަބަބުން އޭގެ ފައްތިޔާ ކަނޑައިގެން ދިއުމާ ގުޅިގެންނެވެ
ގުޅުންހުރި
ޚިޔާލުތައް (0)