ފ. އަތޮޅު ކައުންސިލުގައި ހުންނަ ފިންގަރ ޕްރިންޓް މެޝިނަކަށް ގެއްލުން ދިން މައްސަލައެއް ބަލަމުން އަންނަ ކަމަށް ފުލުހުންގެ މީޑިއާ އޮފިޝަލް މަޢުލޫމާތު ދެއްވައިފިއެވެ.
ފުލުހުން ވިދާޅުވީ މިއަދު 10:05 ހާއިރު ފ.އަތޮޅު ކައުންސިލް އިދާރާގައި ހުރި ފިންގާރ ޕްރިންޓް ސިސްޓަމްއެއް އެ ކައުންސިލް އިދާރާގެ މެމްބަރަކު ހަލާކު ކޮށްލާފައިވާ މައްސަލައެއް ރިޕޯޓް ކޮށްފައިވާ ކަމަށާއި، އެކަން އިތުރަށް ތަހުގީގު ކުރަމުން އަންނަ ކަމަށެވެ.
ފ. އަތޮޅު ކައުންސިލުން މަޢުލޫމާތު ލިބިފައިވާ ގޮތުގައި އެކައުންސިލަށް އެކްސެސް ވުމަށް ބަހައްޓާފައިވާ މެޝިނަށް ގެއްލުންދީފައި ވަނީ ނިލަންދޫ ކައުންސިލްގެ ރައީސް އަލީ އަޙްމަދެވެ. އެނގިފައިވާ ގޮތުގައި އެކަން ހިނގާފައިވަނީ އަތޮޅު ކައުންސިލްގައި އޮތް ޖަލްސާއަކަށް ވަންނަން ގޮސް އެތަނަށް އެކްސެސް ނުލިބުމުން އެކަމާ ހިތްހަމަ ނުޖެހިގެންނެވެ.
