ދަނޑުވެރިން ތަމްރީނު ކުރުމުގެ ޕްރޮގްރާމެއް ފަށައިފި

އިޝްތިހާރު

ފ. އަތޮޅު ކައުންސިލުން އިސްނަގައިގެން އަތޮޅުގެ ރަށްތަކުން ދަނޑުވެރިން ތަމްރީނު ކުރުމުގެ ޕްރޮގްރާމެއް ފައްޓަވައިފިއެވެ.

ނޮވެމްބަރު މަހުގެ 7 ވަނަ ދުވަހުން ފެށިގެން 13 ވަނަ ދުވަހުގެ ނިޔަލަށް އޮންނަ މި ތަމްރީން ޕްރޮގްރާމް ކުރިއަށް ގެންދަނީ ފ. ނިލަންދޫ ގައެވެ. މި ޕްރޮގްރާމްގައި ޖުމުލަ 11 ދަނޑުވެރިން ބައިވެރިވެފައިވާއިރު، މީގެ ތެރޭގައި ދަރަނބޫދޫގައި ފުޅާ ދާއިރާއެއްގައި ދަނޑުވެރިކަން ކުރައްވަމުން ގެންދަވާ 3 ބޭފުޅުން ހިމެނެއެވެ.

އިޝްތިހާރު

ދަނޑުވެރިންނަށް އަމާޒުކޮށްގެން ކުރިއަށް ގެންދާ މި ޕްރޮގްރާމަކީ ފ. އަތޮޅު ކައުންސިލާއި ދަނޑުވެރިކަމާއި ދިރޭތަކެއްޗާއިބެހޭ ވުޒާރާ ގުޅިގެން ކުރިއަށް ގެންދާ ޕްރޮގްރާމެކެވެ. މި ޕްރޮގްރާމް ފެލިޓޭޓް ކޮށްދެއްވަނީ އެ ވުޒާރާގެ އެގްރިކަލްޗަރ އޮފިސަރ އަބޫބަރުކުރު މުޙައްމަދެވެ.

ފ.އަތޮޅުގެ ރަށްތަކަކީ ވަރަށް ފަހަކާއި ޖެހެންދެން މައިގަނޑު ގޮތެއްގައި މަސްވެރިކަމުގެ ސިނާޢަތުން އާމްދަނީ ހޯދަމުން އައިސްފައިވާ ރަށްތަކެކެވެ. މިއަތޮޅުގައި ދަނޑުވެރިކަން އެންމެ ފުޅާ ދާއިރާއެއްގައި މިހާރު ކުރަމުން އަންނަނީ ދަރަނބޫދޫގައެވެ.

އިޝްތިހާރު