ނޮޅިވަރަންފަރުގެ އައު ވޭސްޓް ސައިޓް މަގު ހެދުމުގެ މަސައްކަތް އޮޕެރާއަށް!
ފާޠިމަތު ޢަރޫޝާ
ހދ. ނޮޅިވަރަންފަރުގައި އަލަށް ތަރައްޤީކުރާ ވޭސްޓް މެނޭޖްމަންޓް ސައިޓަށް ދިއުމަށް ރަށުތެރެއިން ހެދުމަށް ހަމަޖެހިފައިވާ މަގުގައިވާ ރުއްގަސް ކަނޑައި، ބިން ސާފުކުރުމުގެ މަސައްކަތް ކުރިއަށް ގެންދިއުމަށްޓަކައި އޮޕެރާ މޯލްޑިވްސްއާ އެކު މިއަދު އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމުގައި ސޮއިކުރުމުގެ ރަސްމިއްޔާތު ކުރިއަށްދިޔައީ މިއަދު، 15 އޮކްޓޫބަރު 2026 (ބުރާސްފަތި) ދުވަހުއެވެ.
ހދ. ނޮޅިވަރަންފަރުގައި ކުނި މެނޭޖްކުރުމަށް އަލަށް ތަރައްޤީކުރާ ވޭސްޓް މެނޭޖްމަންޓް ސައިޓަށް ދިއުމަށް ރަށުތެރެއިން ހެދުމަށް ހަމަޖެހިފައިވާ މަގުގެ ބިން ސާފުކުރުމުގެ ބޮޑު މަޝްރޫޢެއް ކުރިއަށް ގެންދިއުމަށް ވަނީ ނިންމާފައެވެ. މި މަޝްރޫޢުގެ ދަށުން ކުރަންޖެހޭ ރުއްގަސް ކަނޑައި، ބިން ސާފުކުރުމުގެ އެންމެހައި މަސައްކަތްތައް ހަވާލުކޮށްފައިވަނީ އޮޕެރާ މޯލްޑިވްސްއާއެވެ.
މި އެއްބަސްވުމުގެ ދަށުން ކުރިއަށްދާ މަސައްކަތްތަކުގެ ތެރޭގައި ހިމެނެނީ:
• ރުއްގަސް ކެނޑުން: އަލަށް ހެދުމަށް ހަމަޖެހިފައިވާ މަގަށް އަރާ ރުއްގަސްތައް ރައްކާތެރިކަމާއެކު ނެގުމާއި ކެނޑުން.
• ބިން ސާފުކުރުން: ވޭސްޓް މެނޭޖްމަންޓް ސައިޓަށް ދިއުމަށް ހަދާ މަގު އެއްވަރުކޮށް، މަސައްކަތް ކުރެވޭނެ ފަދަ ގޮތަކަށް ބިން ސާފުކުރުން.
މި މަޝްރޫޢަކީ ނޮޅިވަރަންފަރުގެ ކުނި މެނޭޖްކުރުމުގެ ނިޒާމު ހަރުދަނާކޮށް، ރަށުގެ ތިމާވެށި ރައްކާތެރިކުރުމަށްޓަކައި ކުރިއަށްގެންދާ މުހިންމު މަސައްކަތެކެވެ. މަގު ހެދުމުގެ ބިން ސާފުކުރުމުގެ މަސައްކަތް ނިމުމުން، ވޭސްޓް މެނޭޖްމަންޓް ސައިޓުގެ ޢަމަލީ މަސައްކަތްތައް ފެށުމަށް ބޮޑު ލުޔެއް ލިބިގެންދާނެއެވެ.
ގުޅުންހުރި
ޚިޔާލުތައް (0)