ކަނޑު ލައިސަންސް އުޞޫލަށް އިހަވަންދޫ ކައުންސިލުން ޢަމަލުކުރަން ފަށައިފި!
ފާޠިމަތު ޢަރޫޝާ
ތިލަދުންމަތީ އުތުރުބުރީ އިހަވަންދޫ ކައުންސިލުން ދެމުންގެންދާ ކަނޑު ލައިސަންސް ދޫކުރުމުގެ ޚިދުމަތް ދިނުމާއި، އެ ޚިދުމަތުން ފީ ނެގުމުގެ އުޞޫލަށް ޢަމަލުކުރަން ފަށައިފިއެވެ.
އިހަވަންދޫ ކައުންސިލުން ނެރުނު ބަޔާނެއްގައި ބުނެފައިވަނީ، ”ކަނޑު ލައިސަންސް ދޫކުރުމުގެ ޚިދުމަތް ދިނުމާއި، އެ ޚިދުމަތުން ފީ ނެގުމުގެ އުޞޫލު“ ފާސްކޮށްފައިވަނީ އެ ކައުންސިލްގެ 5 ވަނަ ދައުރުގެ 19 ވަނަ ރަސްމީ އާންމު ޖަލްސާއިން ކަމަށެވެ. އަދި މިއަދުން ފެށިގެން އެ އުސޫލަށް ރަސްމީކޮށް ޢަމަލުކުރަން ފަށާފައިވާ ކަމަށްވެސް ކައުންސިލުން މަޢުލޫމާތުދެއެވެ.
ކައުންސިލުން އިތުރަށް ހާމަކޮށްފައިވާ ގޮތުގައި، މި އުޞޫލު އެކުލަވާލާފައިވަނީ ކައުންސިލުން ދެމުންގެންދާ ކަނޑު ލައިސަންސް ދޫކުރުމުގެ ޚިދުމަތްތައް ހަރުދަނާ ނިޒާމެއްގެ ދަށުން ކުރިއަށް ގެންދިއުމަށާއި، އެ ޚިދުމަތްތަކުން އެކަށީގެންވާ ފީއެއް ނެގުމުގެ ބޭނުމުގައެވެ.
މި އުޞޫލަށް ޢަމަލުކުރަން ފެށުމާއެކު، ކަނޑު ލައިސަންސާ ގުޅޭ އެންމެހާ ޚިދުމަތްތައް ކުރިއަށްދާނީ މި އުޞޫލުގައި ބަޔާންކޮށްފައިވާ ގޮތުގެ މަތީންނެވެ. އަދި އާންމުންގެ ފަސޭހައަކަށްޓަކައި މި އުޞޫލުގެ ފުރިހަމަ ކޮޕީއެއް ކައުންސިލްގެ އިޢުލާނާއެކު މިހާރު ވަނީ އާންމުކޮށްފައެވެ.
ގުޅުންހުރި
ޚިޔާލުތައް (0)