ދެވަނަ ދުވަހުގެ ފުރަތަމަ މެޗު މަގޫދޫއިން ކާމިޔާބުކުރިއިރު ދެވަނަ މެޗު ދަރަނބޫދޫއަށް!

ދެވަނަ ދުވަހުގެ ފުރަތަމަ މެޗު މަގޫދޫއިން ކާމިޔާބުކުރިއިރު ދެވަނަ މެޗު ދަރަނބޫދޫއަށް!

Md22

ދެވަނަ ދުވަހުގެ ފުރަތަމަ މެޗު މަގޫދޫއިން ކާމިޔާބުކުރިއިރު ދެވަނަ މެޗު ދަރަނބޫދޫއަށް!

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ފ. މަގޫދޫގައި މިހާރު ކުރިއަށްދާ ފާފު ވޮލީ މުބާރާތް 2024 ގެ ދެވަނަ ދުވަހުގެ ކުޅުން ނިމިފައިވާއިރު، މިއަދުގެ ފުރަތަމަ މެޗުގައި ބައްދަލު ކޮށްފައިވަނީ ފިރިހެން ޑިވިޒަނުގެ ދަރަނބޫދޫ އަދި މަގޫދޫއެވެ. މި މެޗު ސީދާ 3 ސެޓުން މަގޫދޫއިން ވަނީ ކާމިޔާބު ކޮށްފައެވެ.

މި މެޗުގެ 3 ސެޓު މަގޫދޫއިން ކާމިޔާބު ކުރިނަމަވެސް، ސެޓްތައް ނިމިފައިވަނީ ވަރަށް ވާދަވެރިކޮށެވެ. އެގޮތުން މިމެޗުގެ ފުރަތަމަ ސެޓް 26-24 އިން ނިމުނުއިރު، ދެވަނަ ސެޓް މަގޫދޫއިން ކާމިޔާބު ކޮށްފައިވަނީ 25-22 އިންނެވެ. އަދި މެޗުގެ ފަހު ސެޓް އެޓީމުން ކާމިޔާބުކުރީ 25-17 އިންނެވެ.

ދެޓީމުގެ ފަރާތުންވެސް ވަރަށް ފޯރިގަދަ ކުޅުމެއް ފެނިގެން ދިޔަ މި މެޗުގެ ތިންވަނަ ސެޓު ކުޅުން ފެށުނުތަނާހެން ބޯކޮށް ވާރޭ ވެހުމުގެ ސަބަބުން ކުޅުން މެދު ކަނޑާލިއެވެ. މަގޫދޫ ޓީމުން އަމިއްލަ ސަޕޯޓަރުންގެ ކުރިމަތީގައި މޮޅުކުޅުމެއް ދައްކާފައިވާއިރު، މޫސުން ގޯސްވުމުގެ ސަބަބުން މެޗު ބަލާލުމަށް ދަރަނބޫދޫގެ ސަޕޯޓަރުން މިއަދު ދަތުރު ކޮށްފައިނުވެއެވެ.

މުބާރާތުގެ ތާރީޚަށް ބަލާލާއިރު، މި މުބާރާތް ފުރަތަމަ ބޭއްވި 2023 ވަނަ އަހަރުވެސް މި ދެޓީމު ބައްދަލު ކޮށްފައިވާއިރު، އެމެޗު ފަސޭހަކަމާއެކު ސީދާ ތިން ސެޓުން ކާމިޔާބުކުރީވެސް މަގޫދޫއިންނެވެ. މިއަދުގެ ނަތީޖާއާއެކު ދަރަނބޫދޫ ފިރިހެން ޓީމު ހިމެނިފައިވަނީ މި މުބާރާތުގެ ތާރީޚުގައިވެސް އެއްވެސް މެޗަކުން އެއްވެސް ސެޓެއް ކާމިޔާބުކުރެވިފައިނުވާ ހަމައެކަނި ޓީމުގެ ގޮތުގައެވެ.

މިމުބާރާތުގައި މިރޭ ކުޅެވުނީ އަންހެން ޑިވިޒަނުގެ މެޗެވެ. ދަރަނބޫދޫ އަދި މަގޫދޫ ބައްދަލުކުރި މި މެޗުގެ ފުރަތަމަ ސެޓު މަގޫދޫއިން ކާމިޔާބުކުރިއިރު، ދެންކުޅުނު 3 ސެޓުވެސް ކާމިޔާބުކުރީ ދަރަނބޫދޫއިންނެވެ. މެޗުގެ ފުރަތަމަ ސެޓު 25-21 ގެ ނަތީޖާއިން މަގޫދޫ ކާމިޔާބުކުރި އިރު، ދެވަނަ ސެޓް 25-23 އިން ކާމިޔާބުކުރީ ދަރަނބޫދޫންނެވެ. 25-17 ގެ ނަތީޖާއިން 3 ވަނަ ސެޓްވެސް ދަރަނބޫދޫއިން ކުރި ހޯދިއިރު ހަތަރުވަނަ ސެޓް ނިމުނީ 25-16 ގެ ނަތީޖާއިންނެވެ. މަގޫދޫއަކީ ފާފު ވޮލީ މުބާރާތުގެ އަންހެން ޑިވިޒަނުގެ މިދިޔަ އަހަރުގެ ޗެމްޕިއަން ޓީމެވެ.

މި މުބާރާތުގައި މިއަދު ހަވީރު ކުޅެވުނު ފިރިހެން ޑިވިޒަނުގެ މެޗުގެ މޮޅު ކުޅުންތެރިއަކަށް ހޮވުނީ ފ. މަގޫދޫ ޓީމުގެ ޖާރޒީ ނަމްބަރު 10 މުޙައްމަދު އަރީފެވެ. އަރީފަކީ މިދިޔަ އަހަރުގެ މުބާރާތުގެ ޑްރީމް ޓީމުގައި ހިމެނުނު ކުޅުންތެރިއެއްވެސް މެއެވެ. މިރޭ ކުޅެވުނު އަންހެން ޑިވިޒަން މެޗުގެ މޮޅު ކުޅުންތެރިއަކަށް ހޮވިފައިވަނީ ފ. ދަރަނބޫދޫ ޓީމުގެ ޖާރޒީ ނަމްބަރު 12، ފިރާޝާ އާދަމެވެ.

ފ. އަތޮޅު ކައުންސިލުން އިންތިޒާމްކޮށްގެން ފ. އަތޮޅުގެ ރަށްތަކަށް ހުޅުވާލައިގެން ކުރިއަށް ގެންދާ މިމުބާރާތުގެ ތިންވަނަ ދުވަހުގެ ކުޅުން މާދަމާ ހަވީރު އޮންނާނެއެވެ. މާދަމާ ހަވީރު އޮންނަ މެޗުގައި ބައްދަލުކުރާނީ ފިރިހެން ޑިވިޒަނުގެ ބިލެއްދޫ އަދި ނިލަންދޫ ޓީމެވެ. މާދަމާރޭ ބައްދަލުކުރާނީ މިދެރަށުގެ އަންހެން ޑިވިޒަނުގެ ޓީމެވެ.

ޙިއްސާ ކުރައްވާ:

ގުޅުންހުރި