ޕީޓީއޭ ފުޓްސަލް މުބާރާތުގެ ތަށި ޖެހިޖެހިގެން ތިންވަނަ ފަހަރަށް ހަލަވެލި ހައުސްއިން މިލްކުކޮށްފި

އިޝްތިހާރު

ދަރަނބޫދޫ ސްކޫލްގެ ޕީޓީއޭއިން އިންތިޒާމްކޮށްގެން ބާއްވާ ކުޅިވަރު ފެސްޓިވަލްގެ ފުޓްސަލް މުބާރާތުގެ ތަށި، ޖެހިޖެހިގެން ތިންވަނަ ފަހަރަށް ހަލަވެލި ހައުސްއިން ހޯދައިފިއެވެ.

އިޝްތިހާރު

2024، 2025 އަދި 2026 ވަނަ އަހަރުގެ މި ތަށި ހަލަވެލި ހައުސްއިން ހޯދާފައި މިވަނީ މިއަދު ހަވީރު ދަރަނބޫދޫ ފުޓްސަލް ސްޓޭޑިއަމްގައި ކުޅުނު ފޯރިގަދަ ފައިނަލް މެޗްގައި މަދޮށި ހައުސްއާ ބައްދަލުކޮށް 5-1 ގެ ނަތީޖާއަކުން އެޓީމު ބަލިކޮށެވެ. މެޗްގެ ފުރަތަމަ ހާފް ފެށިގެން ދިޔައިރު ފުރަތަމަ ލަނޑު ޖަހާ ކުރި ހޯދީ މަދޮށި ހައުސްއިންނެވެ. މަދޮށީގެ މިލަނޑު ޖަހައިދިނީ ޖާރޒީ ނަންބަރު 99 އަލީ ނަސީރެވެ. ނަމަވެސް ފުރަތަމަ ހާފް ނިމުމުގެ ކުރިން ހަލަވެލިން ވަނީ ޖާރޒީ ނަންބަރު 17 މަޙްމޫދު ޝިޔާމް ޖެހި ލަނޑާއެކު ނަތީޖާ އެއްވަރުކޮށްފައެވެ. އެއާއެކު ފުރަތަމަ ހާފް ނިމިގެން ދިޔައީ 1-1 ގެ ނަތީޖާއަކުންނެވެ.

ދެވަނަ ހާފް ފެށިގެން ދިޔައިރުވެސް ގިނަ ވަގުތު ވަންދެން މެޗުގެ ނަތީޖާ އޮތީ އެއްވަރުވެފައެވެ. ނަމަވެސް މެޗްގެ 9 ވަނަ މިނެޓްގައި ހަލަވެލިން ވަނީ މުހައްމަދު އަހުމަދު (ލިއޯ) ޖެހި ލަނޑަކުން މެޗްގެ ލީޑް ނަގާފައެވެ. މިލަނޑަށް ފަހު ހަލަވެލީގެ ކުޅުން ވަރަށް ރަނގަޅުވެ، އޭގެ ތިން މިނެޓް ފަހުން މަޙްމޫދު ޝިޔާމް ވަނީ އިތުރު ލަނޑެއް ޖަހައި ހަލަވެލީގެ ލީޑް ފުޅާކޮށްފައެވެ.

މެޗް ނިމެން ދަނިކޮށް މަދޮށި ހައުސްއިން ވަނީ ޕަވަރ ޕްލޭ ބޭނުންކޮށްފައެވެ. އެކަމުގެ ބޭނުން ހިފާ ހަލަވެލިން ވަނީ އިތުރު ދެ ލަނޑު ޖަހާ ނަތީޖާ 5-1 އަށް ބަދަލުކޮށްފައެވެ. ހަލަވެލީގެ ހަތަރުވަނަ ލަނޑު ޖަހައިދިނީ މިމެޗްގެ މޮޅު ކުޅުންތެރިޔާ މުހައްމަދު ނަސީރެވެ. އަދި ފަސްވަނަ ލަނޑު ޖަހައިދިނީ އަހުމަދު އަލީއެވެ.

މި ކާމިޔާބީއާއެކު ހަލަވެލި ހައުސްއިން ވަނީ ދަރަނބޫދޫ ސްކޫލްގެ ޕީޓީއޭ ފުޓްސަލް މުބާރާތުގެ ތަށި ޖެހިޖެހިގެން ތިންވަނަ ފަހަރަށް ހޯދުމުގެ ރެކޯޑެއް ގާއިމްކޮށްފައެވެ.

އިޝްތިހާރު