ފެންޓަސީ ލީގު ސެޕްޓެމްބަރު މަހުގެ އެއްވަނަ މެނޭޖަރަކަށް ހޫދު ސުލައިމާނު

އިޝްތިހާރު

ދަނިއުސް މީޑިއާއިން އިންތިޒާމުކޮށްގެން ކުރިއަށްގެންދާ ”ދަނިއުސް ފެންޓަސީ ލީގު 2026/27“ ގެ ސެޕްޓެމްބަރު މަހުގެ އެންމެ މޮޅު މެނޭޖަރުގެ މަޤާމު ހޫދު ސުލައިމާނު ހޯދައިފިއެވެ.

މިދިޔަ މަހު ފެށި މި ލީގުގައި ސެޕްޓެމްބަރު މަހުގެ ތެރޭގައި ޖުމުލަ 3 ހަފްތާގެ ކުޅުން ވަނީ ކުރިއަށް ގޮސްފައެވެ. މި ތިން ހަފްތާގެ ތެރޭގައި އެއްވެސް ޕޮއިންޓެއް މައިނަސް ނުކޮށް، ހޫދު ވަނީ ޖުމުލަ 211 ޕޮއިންޓް ހޯދައިގެން ތާވަލުގެ އެއްވަނަ ކަށަވަރުކޮށްފައެވެ. މި ލީގުގެ ޤަވާއިދު ހަމަޖެހިފައިވާ ގޮތުން، ކޮންމެ މަހެއްގެ ކުޅުން ނިމޭއިރު އެއްވަނައަށް އަންނަ މެނޭޖަރަކަށް، އެ މެނޭޖަރަކު ހޯދި ޕޮއިންޓުގެ އަދަދަށްވާ ފައިސާގެ އިނާމު ދިނުމަށް ވަނީ ހަމަޖެހިފައެވެ. އެހެންކަމުން ސެޕްޓެމްބަރު މަހުގެ އިނާމުގެ ގޮތުގައި ހޫދުއަށް 211 ރުފިޔާ ލިބިގެންދާނެއެވެ.

އިޝްތިހާރު

ސެޕްޓެމްބަރު މަހުގެ އެއްވަނަ ހޯދުމަށް ހޫދުއާ އެންމެ ގާތުން ވާދަކޮށްފައިވަނީ މަސީޙް ޙުސައިނެވެ. ހޫދު އެއްވަނަ ހޯދީ މަސީޙަށްވުރެ އެންމެ ޕޮއިންޓެއް އިތުރަށް ހޯދައިގެންނެވެ.

ހަމައެކަނި ފ. ދަރަނބޫދޫ ރައްޔިތުންނަށް ޚާއްޞަކޮށްގެން ކުރިއަށްގެންދާ މި ލީގުގައި ޖުމުލަ 30 ބައިވެރިން ވާދަކުރެއެވެ. ވާދަވެރިކަން ބޮޑު މި ލީގުގައި ސެޕްޓެމްބަރު މަހުގެ ތެރޭގައި ގިނަ ބައިވެރިންތަކެއް ވަނީ އެކި ޗިޕްތައް ބޭނުންކޮށްފައެވެ. އެގޮތުން 7 މެނޭޖަރަކު ޓްރިޕަލް ކެޕްޓަން، 12 މެނޭޖަރަކު ވައިލްޑް ކާޑު، 3 މެނޭޖަރަކު ބެންޗު ބޫސްޓް އަދި 1 މެނޭޖަރަކު ވަނީ ފްރީ ހިޓް ޗިޕް އެކްޓިވޭޓް ކޮށްފައެވެ.

މި ލީގު ފެށުނު ފުރަތަމަ މަސް ކަމަށްވާ މިދިޔަ އޮގަސްޓް މަހު ކުޅެވުނު 2 ހަފްތާގެ ކުޅުމަށްފަހު، އެ މަހުގެ އެއްވަނަ މެނޭޖަރުގެ މަޤާމު 177 ޕޮއިންޓާއެކު ހޯދާފައިވަނީ މުޙައްމަދު ސުލައިމާނެވެ.

އިޝްތިހާރު