ފ. ދަރަނބޫދޫގައި މިވަގުތު ހުރި އެންމެ ބާރުގަދަ މީހާގެ މަޤާމަށް އަބޫބަކުރު އިސްމާޢީލް (ބަކާ) ހޮވިއްޖެއެވެ.
ބަކާއަށް މި މަޤާމު ލިބުނީ ދާދި ދެންމެއަކު ނިމުނު “ކަށިވީރު” އިވެންޓުގެ ބައިވެރިންގެ ތެރެއިން އިވެންޓް އެންމެ ފުރަތަމަ ނިންމާލި ފަރާތް ގޮތުގައި ހޮވުމުންނެވެ. ޖުމުލަ 7 ބައިވެރިން ބައިވެރިވި މި އިވެންޓް ބަކާ ނިންމާލާފައިވަނީ އެއް މިނެޓް ތިން ސިކުންތުންނެވެ.
ކަށިވީރު އިވެންޓްގައި ބައިވެރިވި ފަރާތްތަކުގެ ނަތީޖާ
- އަބޫބަކުރު އިސްމާޢީލް – 1 މިނެޓް 3 ސިކުންތު
- ހަމްދާ ސުލައިމާނު – 4 މިނެޓް 56 ސިކުންތު
- މުޙައްމަދު ދާއިން – 1 މިނެޓް 16 ސިކުންތު
- އިފްހާމް އިސްމާޢިލް – 1 މިނެޓް 32 ސިކުންތު
- އިބްރާހީމް ނަސީރު – 1 މިނެޓް 9 ސިކުންތު
- ޝާއިރާ އިސްމާޢީލް – 2 މިނެޓް 18 ސިކުންތު
- ޝައްޔާން އަޙްމަދު ސިޔާމް – 1 މިނެޓް 53 ސިކުންތު
މިއީ ކަށިވީރު އިވެންޓް ދަރަނބޫދޫގައި ބޭއްވުނު 4 ވަނަ ފަހަރެވެ. ދަރަނބޫދޫގައި އެންމެ ފުރަތަމަ ބޭއްވުނު ކަށިވީރު އިވެންޓް ކާމިޔާކު ކޮށްފައިވަނީ މުއްސަބު މުޙައްމަދެވެ. ދެވަނަ ކަށިވީރު އަޙްމަދު ސިޔާމް ކާމިޔާބުކޮށްފައިވާއިރު، އެންމެ ފަހުން ބޭއްވުނު ކަށިވީރު އިވެންޓް ކާމިޔާބު ކޮށްފައިވަނީ އާސިމް މުޙައްމަދެވެ.
ކަށިވީރު އިވެންޓް ދަރަނބޫދޫގައި އެންމެ ފަހުން ބާއްވާފައިވަނީ 1442 ވަނަ އަހަރުގެ އަޟްޙާ ޢީދުގައި ދަރަނބޫދޫ އޮޑިވެރިންގެ ފަރާތުންނެވެ.
އެހެން ފަހަރު ތަކާއި ޚިލާފަށް މިފަހަރުގެ ކަށިވީރުގައި އަންހެނުންވެސް ވަނީ ބައިވެރިވެފައެވެ. ދަރަނބޫދޫގެ އެންމެ ބާރުގަދަ މީހާ ހޮވުމަށް ބޭއްވޭ ކަށިވީރު އިވެންޓަކީ އާންމުކޮށް ހުޅުވާލެވިގެން ކޮންމެ އުމުރެއްގެ ކޮންމެ ޖިންސެއްގެ ބޭފުޅުންނަށްވެސް ބައިވެރިވެވޭ މުބާރާތެކެވެ.
