ފުއްޓަރު ސްޕޯޓްސްގެ ޖަޒީރާ ލީގު 2024 ގެ ދެވަނަ މެޗުގައި، މި މުބާރާތުގެ އެންމެ ފަހުގެ ޗެމްޕިއަން ބީސީ ސްޕޯޓްސް ބަލިކޮށް ވެސްޓް ސިޓީން މުބާރާތުގެ ފެށުން ރަނގަޅު ކޮށްފިއެވެ.
މިރޭ ކުޅެވުނު މި މެޗު ވެސްޓް ސިޓީން ކާމިޔާބުކުރީ 4-3 ގެ ނަތީޖާއިންނެވެ. ދެ ޓީމުގެ ފަރާތުންވެސް ވާދަވެރިކަން ފެނިގެން ދިޔަ މި މެޗުގައި ލަނޑެއް ކާމިޔާބުކޮށް ފުރަތަމަ ލީޑު ނެގީ ވެސްޓް ސިޓީންނެވެ.
މެޗުގެ ފުރަތަމަ ލަނޑު ފުރަތަމަ ހާފްގައި ޖެހީ ވެސްޓް ސިޓީގެ ލުގުމާނު އަލީއެވެ. އެ ޓީމުގެ ސާއިން އަލީވަނީ މި މެޗުގައި ހެޓްރިކެއް ހަދާފައެވެ. ބީސީ ސްޕޯޓްސް ކުލަބުގެ ސާޖިދު މި މެޗުގައި 2 ލަނޑު ކާމިޔާބުކުރި އިރު އެޓީމުގެ މައީޝް މަޙްމޫދުވަނީ ގޯލެއް ކާމިޔާބު ކޮށްފައެވެ
މި މުބާރާތުގައި ވެސްޓް ސިޓީގެ ދެވަނަ މެޗު މާދަމާރޭ އޮންނާނެއެވެ. މި މެޗުގައި އެޓީމު ބައްދަލުކުރާނީ މިރޭ ސުޕަގަޓާއި ބައްދަލުކޮށް މޮޅުވި އޭކްސް ސްޕޯޓްސް ކުލަބާއެވެ. ބިސީ ސްޕޯޓްސްގެ ދެވަނަ މެޗު އޮންނާނީ ހުކުރު ދުވަހުގެ ރޭގައެވެ. އެ މެޗުގައި ބީސީން ނިކުންނާނީވެސް އޭކްސް އާ ދެކޮޅަށެވެ.
