ފުއްޓަރު ސްޕޯޓްސްގެ ޖަޒީރާ ލީގު 2024 ގެ ފުރަތަމަ މެޗު އޭކްސް ސްޕޯޓްސް ކުލަބުން ކާމިޔާބު ކޮށްފިއެވެ.
މިރޭ ގަޑިން 21:30 ގައި ފެށި މި މެޗުގައި ބައްދަލު ކޮށްފައިވަނީ އޭކްސް ސްޕޯޓްސް ކުލަބާއި ސުޕަގަޓެވެ. އޭކްސް އިން މި މެޗުގައި ސުޕަގަޓްގެ މައްޗަށް ކުރި ހޯދާފައިވަނީ 4-1 ގެ ނަތީޖާއަކުންނެވެ.
މި މެޗުގައި އޭކްސްގެ ނަދީހް ވަނީ ހެޓްރިކެއް ހަދާފައެވެ. އެޓީމުން ދެން ގޯލެއް ކާމިޔާބުކޮށްފައިވަނީ މަޙްމޫދު ސިޔާމެވެ. ސުޕަގަޓް އިން މިމެޗުގައި ޖެހި ހަމައެކަނި ގޯލު ކާމިޔާބުކުރީ އެޓީމުގެ ޒަޔާނެވެ.
މިމުބާރާތުގައި ސުޕަގަޓް ދެން ބައްދަލުކުރާނީ މާދަމާރޭ ގަޓްސިޓީއާއި ދެކޮޅަށެވެ. އޭކްސް ސްޕޯޓްސް ކުލަބު މާދަމާރޭ ބައްދަލުކުރާނީ ވެސްޓްސިޓީ އާއެވެ.
