ފުއްޓަރު ސްޕޯޓްސް އިން އިންތިޒާމްކޮށް ދަރަނބޫދޫގެ ފުޓްސަލް ޓީމުތަކަށް އަމާޒުކޮށްގެން ބާއްވާ ޖަޒީރާ ލީގު 24 ގައި 5 ޓީމަކުން ބައިވެރިވެއްޖެއެވެ.
ޖަޒީރާ ލީގު24 ގައި ބައިވެރިވެފައިވަނީ ބީސީ ސްޕޯޓްސް ކުލަބް، ގަޓްސިޓީ، ސުޕަރގަޓް އަދި ވެސްޓް ސިޓީގެ އިތުރުން އޭކްސް ސްޕޯޓްސް ކުލަބެވެ. މީގެ ތެރެއިން ގަޓްސިޓީ އަކީ މިމުބާރާތުގެ އެންމެ ފުރަތަމަ ޗެމްޕިއަންކަން ހޯދި ޓީމެވެ. ބީސީ ސްޕޯޓްސް ކުލަބަކީ އެންމެ ފަހުން ބޭއްވި އަހަރުގެ ޗެމްޕިއަނުންނެވެ.
ޖަޒީރާ ލީގު މިހާތަނަށް ތިން ފަހަރު ބާއްވާފައިވާއިރު، މުބާރާތް ބޭއްވި 2 ވަނަ ފަހަރު ޗެމްޕިއަންކަން ހޯދި އެޑްޖަމްއިއްޔާ މިއަހަރުގެ މުބާރާތުގައި ބައިވެރި ނުވެއެވެ.
ޖަޒީރާ ލީގު 24 ގެ މުބާރާތް ފަށާނެކަމަށް ފުއްޓަރު ސްޕޯޓްސް ކުލަބުން އާންމު ކޮށްފައިވާ ތާރީޚަކީ 2024 މާރިޗް 15 ވާ ހޮނިހިރު ދުވަހެވެ. އެހެން ނަމަވެސް މިހާތަނަށް އައިރު، މެޗުތައް ކުޅެން ހަމަޖެހިފައިވާ ގޮތުގެ ތާވަލު އެ ކުލަބުން އާންމުކޮށްފައެއް ނުވެއެވެ.
