އޭކްސް ސްޕޯޓްސް ކުލަބުން ދަރަނބޫދޫގައި އަންހެނުންނަށް އަމާޒުކޮށް ބާއްވަމުން އަންނަ ދިޔޯކަޕްގެ މިއަހަރުގެ ޗެމްޕިއަންކަން އެކުލަބުން ހޯދައިފިއެވެ. މިއީ މިމުބާރާތުގެ ޗެމްޕިއަންކަން އެކުލަބުން ހޯދި ދެވަނަ ފަހަރެވެ.
އޭކްސް އިން މިމުބާރާތުގެ ޗެމްޕިއަންކަން ހޯދާފައިވަނީ މިއަދު ކުޅެވުނު ފައިނަލުގައި ސީދާ ތިންސެޓުން އެޑްޖަމްޢިއްޔާ ބަލިކުރުމަށްފަހުގައެވެ.
ދެޓީމުގެ ފަރާތުންވެސް މޮޅު ކުޅުމެއް ފެނިގެން ދިޔަ މި ފައިނަލުގައި ސެޓްތައް ނިމިގެން ދިޔައީ ވަރަށް ގާތުން ދެޓީމުންވެސް ޕޮއިންޓް ހޯދައިގެންނެވެ. އެގޮތުން މެޗުގެ ފުރަތަމަ ސެޓު އޭކްސް އިން ކާމިޔާބުކުރީ 26-24 އިންނެވެ. މެޗުގެ ދެވަނަ ސެޓް 26-28 އިން ނިމުނު އިރު ފަހު ސެޓު އޭކްސްއިން ހޯދީ 25-22 އިންނެވެ.
މިއަދުގެ ފައިނަލް މެޗު ބަލާލުމަށް ދަރަނބޫދޫގެ ކުދިބޮޑު ގިނަބަޔަކު ކުޅޭ ސަރަޙައްދަށް އެއްވިއެވެ.
މެޗުގެ ކުޅުމަށްފަހު މުބާރާތުގެ އެކިއެކި ވަނަތަކަށް ހޮވުނު ފަރާތްތަކަށް އިނާމާއި ސެޓްފިކެޓް ދިނުން ކުރިއަށް ދިޔައެވެ.
އެންމެ މޮޅު 6 ކުޅުންތެރިން:
- އާމިނަތު ވަސާމާ – އޭއެމްޑީ، މަގޫދޫ
- ހައިފާ އިމާދު – އެސްޖީސީ، ނިލަންދޫ
- މިޝްކާ ޢަބްދުލް ހަލީމް – އެސްޖީސީ، ނިލަންދޫ
- ފިރާޝާ އާދަމް – އެޑްޖަމިއްޔާ، ދަރަނބޫދޫ
- ފަޟްލާ މުޙައްމަދު – އެޑްޖަމްޢިއްޔާ، ދަރަނބޫދޫ
- ފާތިމަތު ޠަހޫރާ – އޭކްސް ސްޕޯޓްސް ކުލަބް، ދަރަނބޫދޫ
އެންމެ އުއްމީދީ ކުޅުންތެރިޔާ (ޕްރޮމައިޒިންގ ޕްލެޔަރ): މިޝްކާ ޢަބްދުލް ހަލީމް – އެސްޖީސީ، ނިލަންދޫ
އެންމެ މޮޅު ލިބަރޯ: އަރީބާ ހަސަން – އެސްޖީސީ، ނިލަންދޫ
އެންމެ މޮޅު ކޯޗު: މޫސާ އިބްރާހީމް – އޭކްސް ސްޕޯޓްސް ކުލަބް، ދަރަނބޫދޫ
ރަށުން ބޭރު އެންމެ މޮޅު ކުޅުންތެރިޔާ: އައިޝަތު ރީމާ – އެޑްޖަމްޢިއްޔާ، ދަރަނބޫދޫ
މުބާރާތުގެ އެންމެ މޮޅު ކުޅުންތެރިޔާ: ފާޠިމަތު ޠަހޫރާ – އޭކްސް ސްޕޯޓްސް ކުލަބް، ދަރަނބޫދޫ
ފެއަރޕްލޭ ޓީމް: އެސޯސިއޭޝަން ފޮރ މަގޫދޫ ޑިވެލޮޕްމަންޓް (އޭ.އެމް.ޑީ)
މިއީ ދިޔޯކަޕް ގެ ނަމުގައި އަންހެނުންނަށް ވޮލީ މުބާރާތެއް އޭކްސް ސްޕޯޓްސް އިން ބާއްވަމުން އަންނަ ދެވަނަ ފަހަރެވެ. ދިޔޯކަޕްގެ ފުރަތަމަ މުބާރާތް މިދިޔަ އަހަރު ބޭއްވުނު އިރު އެފަހަރުވެސް އޭކްސް އިން ޗެމްޕިއަންކަން ހޯދީ ފައިނަލުގައި އެޑްޖަމްޢިއްޔާ ބަލިކޮށްފައެވެ.
