ގޯލްޑަން ފުޓްސަލް ޗެލެންޖު 2025 ގެ ފ. އަތޮޅު ބުރުގައި އެންމެ ގިނަ ލަނޑު ޖެހި ކުޅުންތެރިންގެ ލިސްޓުގައި 2 ކުޅުންތެރިން ހިމެނިއްޖެއެވެ.
ފ.އަތޮޅު ޓޮޕްސްކޯރަރ ނުވަތަ އެންމެ ގިނަ ލަނޑުޖެހި ކުޅުންތެރިންނަށް ހޮވިފައިވަނީ މިއަހަރުގެ ޗެމްޕިއަންކަން ދަރަނބޫދޫއަށް ހޯދައިދިން އެޓީމުގެ ކެޕްޓަން މުޒްދާން ޙަސަނާއި، ފ. ބިލެއްދޫ ޓީމުގެ މުޙައްމަދު ޒީދާން ޒުހުރީއެވެ. މި ދެ ކުޅުންތެރިންވަނީ ޖުމުލަ ފަސް ލަނޑު މި މުބާރާތުގައި ޖަހާފައެވެ.
މިދިޔަ އަހަރު މުބާރާތުގައި އެންމެ މޮޅު ކުޅުންތެރިއަކަށް އަދި އެންމެ ގިނަ ލަނޑު ޖެހި ކުޅުންތެރިއަކަށްވެސް ހޮވުނު ޒީދާން އެއަހަރުގެ މުބާރާތުގައި 18 ލަނޑު ޖަހައި ލަނޑު ލިސްޓުގެ އެއްވަނަ މަޤާމް ހޯދިއިރު، އޭނާ ވެގެން ގޮސްފައިވަނީ ގޯލްޑަން ފުޓްސަލް ޗެލެންޖުގެ ތާރީޚުގައިވެސް އެންމެ މަދު މެޗު ކުޅެގެން އެ މަޤާމު ހޯދި ފުރަތަމަ ކުޅުންތެރިޔާއަށެވެ. އެހެންނަމަވެސް މިއަހަރު ޒީދާނަށް މުބާރާތް ނިމުނީ ފައިނަލަށް ދަތުރުކުރުމުގެ ފުރުސަތު ނުލިބިއެވެ.
މިއަހަރު މުބާރާތުގައި ފ. އަތޮޅު ބުރުގެ އެންމެ މޮޅު އަދި އެންމެ ގިނަ ލަނޑު ޖެހި ކުޅުންތެރިއަކަށް ހޮވުނު އެޓީމުގެ ކެޕްޓަން މުޒްދާން ވަނީ މިރޭ ކުޅުނު ފައިނަލް މެޗުގައި މަގޫދޫ ކޮޅަށް ގޯލެއް ޖަހާފައެވެ.
ގޯލްޑަން ފުޓްސަލް ޗެލެންޗުގެ 2025 ގެ ފ.އަތޮޅު ޗެމްޕިއަންކަން ހޯދާފައިވަނީ ދަރަނބޫދޫއެވެ. ދަރަނބޫދޫން ޗެމްޕިއަންކަން ހޯދާފައިވަނީ މިރޭ މަގޫދޫއާ ބައްދަލުކުރި މެޗު 2-1 ގެ ނަތީޖާއިން ކާމިޔާބުކޮށްގެންނެވެ.
