ދަނިއުސް ފެންޓަސީ ލީގު 2024/25 ގެ ސެޕްޓެމްބަރ މަހުގައި 218 ޕޮއިންޓް ހޯދައިގެން އެއްވަނަ މެނޭޖަރަކަށް ހޮވިފައިވަނީ މުސްއަބު މުހައްމަދު (މާޝް އެފްސީ) އެވެ. މާރޝް އެފްސީ އަށް ވުރެ 7 ޕޮއިންޓް މަދުން ލިބިގެން ދެވަނަ ލިބިފައިވަނީ 211 ޕޮއިންޓާ އެކު އަޒުހާން އަލީ (ޓްރިޕްލް އޭ) އަށެވެ. އަދި 208 ޕޮއިންޓް ހޯދައިގެން ސެޕްޓެމްބަރ މަހުގެ ވެސް މަސީހް ހުސެއިންގެ (އެފްސީ ބުލޫވޭލް) ވަނީ ތިން ވަނަ ހޯދާފައެވެ. “އެފްސީ ބުލޫވޭލް” އަކީ އޯގަސްޓް މަހުގެ ވެސް ތިންވަނަ އެވެ.

ސެޕްޓެމްބަރ މަހުގައި ޖުމްލަ ތިން ހަފްތާ ކުޅުންއިރު ފުރަތަމަ ހަފްތާގައި “މާޝް އެފްސީ” އަށް ލިބިފައިވަނީ 85 ޕޮއިންޓެވެ. ދެވަނަ ހަފްތާގައި 80 ޕޮއިންޓް ލިބުންއިރު ތިންވަނަ ހަފްތާގައި ލިބިފައި ވަނީ 53 ޕޮއިންޓެވެ. އަދި މިމަހުގައި ލީގުގެ ދެވަނަ ހޯދި “ޓްރިޕްލް އޭ” އަށް ފުރަތަމަ ހަފްތާގައި ލިބުނީ 75 ޕޮއިންޓެވެ. ދެވަނަ ހަފްތާގަ އާއި ތިންވަނަ ހަފްތާގައިވެސް ލިބިފައި ވަނީ 68 ޕޮއިންޓެވެ. މިމަހުގެ ތިންވަނަ ލިބުން “އެފްސީ ބުލޫވޭލް” އަށް ފުރަތަމަ ހަފްތާގައި 73 ޕޮއިންޓް އަދި ދެވަނަ ހަފްތާގައި 84 ޕޮއިންޓް ނެގި އިރު ތިންވަނަ ހަފްތާގައި ލިބުނީ 51 ޕޮއިންޓެވެ.

ފެންޓަސީ ޕްރިމިއަރ ލީގުގެ ދަރަނބޫދޫ ފޭނުންނަށް ބައިވެރިވެވޭ ގޮތަށް ކުރިއަށް ގެންދާ މި މުބާރާތުގެ ކޮންމެ މަހެއްގެ 1 ވަނަ ލިބޭ މެނޭޖަރަކަށް 250ރ 2 ވަނަ ލިބޭ މެނޭޖަރަށް 150ރ އަދި 3 ވަނަ މެނޭޖަރަށް 100ރ ގެ ފައިސާގެ އިނާމު ދިނުމަށް ދަނިއުސް އިން ވަނީ ކަނޑައަޅާފައެވެ. އެހެން އަހަރުތަކާއި ތަފާތުކޮށް މިއަހަރު ދަނިއުސް ލީގުގައި ހޮވަން ނިންމާފައިވަނީ ކޮންމެ މަހެއްގެ އެއްވަނަ ދެވަނަ އަދި ތިންވަނަ މެނޭޖަރެވެ.

މި ސީޒަންގައި ދަނިއުސް ފެންޓަސީ ލީގު ކުރިއަށް ގެންދެވެނީ އުމަސް ސްޕޯޓްސް ކުލަބާއި އެޑްވިން ކޮންސްޓްރަކްޝަން އެންޑް ކާޕެންޓްރީގެ ސްޕޮންސަރގެ އެހީގައެވެ.