ދަނިއުސް ފެންޓަސީ ލީގު 2024/25 ގެ އޯގަސްޓް މަހުގެ އެންމެ ގިނަ ޕޮއިންޓް ހޯދައިގެން އެއްވަނަ މެނޭޖަރަކަށް އަނޫފް އާދަމް (އެންފީލްޑް އަނޫފް) އަށް ލިބުން އިރު ދެވަނަ ލިބިފައިވަނީ އިބްރާހިމް އަހުމަދު (ސުލޫކީ އެފްސީ) އަށެވް. އަދި މިމަހުގެ ތިންވަނަ މެނޭޖަރަކަށް ހޮވިފައި ވަނީ މަސީހް ހުސެއިން (އެފްސީ ބުލޫ ވޭލް) އެވެ.

މި މަހުގައި ތިން ހަފްތާގެ ކުޅުން ކުރިއަށް ގެންދެވިފައިވާއިރު “އެންފީލްޑް އަނޫފް” އިން ވަނީ މިމަހުގައި 249 ޕޮއިންޓް ހޯދާފައެވެ. ދެވަނަ ހޯދި “ސުލޫކީ އެފްސީ” އިން  242 ޕޮއިންޓް ހޯދާފައިވާއިރު ތިންވަނަ ހޯދި ” އެފްސީ ބުލޫ ވޭލް” 237 ޕޮއިންޓް ވަނީ ހޯދާފައެވެ.

ފެންޓަސީ ޕްރިމިއަރ ލީގުގެ ދަރަނބޫދޫ ފޭނުންނަށް ބައިވެރިވެވޭ ގޮތަށް ކުރިއަށް ގެންދާ މި މުބާރާތުގެ ކޮންމެ މަހެއްގެ 1 ވަނަ ލިބޭ މެނޭޖަރަކަށް 250ރ 2 ވަނަ ލިބޭ މެނޭޖަރަށް 150ރ އަދި 3 ވަނަ މެނޭޖަރަށް 100ރ ގެ ފައިސާގެ އިނާމު ދިނުމަށް ދަނިއުސް އިން ވަނީ ކަނޑައަޅާފައެވެ. އެހެން އަހަރުތަކާއި ތަފާތުކޮށް މިއަހަރު ދަނިއުސް ލީގުގައި ހޮވަން ނިންމާފައިވަނީ ކޮންމެ މަހެއްގެ އެއްވަނަ ދެވަނަ އަދި ތިންވަނަ މެނޭޖަރެވެ.

ފެންޓަސީ ލީގަކީ މިހާރު މުޅި ދުނިޔޭގައިވެސް މަޤްބޫލް ގޭމަކަށް ވެފައި ވާއިރު ދަރަނބޫދޫ ގައިވެސް މިފޯރި މިއަންނަނީ އަހަރަކަށް ވުރެ އަހަރެއް ފޯރި ގަދަކޮށެވެ. އެގޮތުން މިއަހަރު ދަނިއުސް ފެންޓަސީ ލީގުގައި ބައިވެރިވެފައިވާ އަދަދުވެސް ނިމިދިޔަ ސީޒަނަށް ވުރެ ވަނީ އިތުރުވެފައެވެ. އަދި މީގެ އިތުރުން “ލީގު އޭ އައި” ނަމުގައި އިތުރު ލީގެއްވެސް މިސީޒަންގައިވަނީ ހަދާފައެވެ.

މި ސީޒަންގައި ދަނިއުސް ފެންޓަސީ ލީގު ކުރިއަށް ގެންދެވެނީ ޚައިރު ފައުންޑޭޝަނާއި، އުމަސް ސްޕޯޓްސް ކުލަބުގެ އިތުރުން އަ ނޮޓް އިން ޓައިމްއާއި ލައިކްއެމްވީ ގެ ސްޕޮންސަރގެ އެހީގައެވެ.