ދަނިއުސް ފެންޓަސީ ޕްރިމިއަރ ލީގު ސީޒަން 25/2024 ގައި ބައިވެރި ވުމުގެ ފުރުސަތު ހުޅުވާލައިފިއެވެ. ކުރީގެ ސީޒަންތަކާއި ތަފާތުކޮށް ދަނިއުސް ފެންޓަސީ ލީގުގެ 4 ވަނަ ސީޒަންގައި ކޮންމެ މަހަކުވަނީ 1ވަނަ 2 ވަނަ އަދި 3 ވަނަ ހޮވާގޮތަށް ނިންމާފައެވެ.

މިފަހަރުގެ ސީޒަނުގައި ކޮންމެ މަހެއްގެ 1 ވަނަ އަށް 250 ރުފިޔާ، ދެވަނައަށް 150 ރުފިޔާ އަދި 3 ވަނަ އަށް 100 ރުފިޔާ ލިބޭނެއެވެ. އެއްވެސް ވަނައެއްގައި ޕޮއިންޓްގެ ގޮތުން 1 އަށްވުރެ ގިނަ މެނޭޖަރުން ހިމެނޭނަމަ، އިނާމު ދިނުމަށް ކަނޑައަޅާނީ ގުރުއަތުންނެވެ. އަދި ވަނަ ލިބޭ މެނޭޖަރުންގެ މައުލޫމާތު ދަނިއުސްގެ ސޯޝަލް މީޑިއާ އަދި ވެބްސައިޓްގައި އާންމު ކުރެވޭނެއެވެ.

އިނގިރޭސި ޕްރިމިއަރ ލީގު ފެށުމަށް ހަމަޖެހިފައިވަނީ 2024 ވަނަ އަހަރުގެ އޯގަސްޓް 17 ވަނަ ދުވަހުއެވެ. ދަނިއުސް ފެންޓަސީ ލީގުގައި ބައިވެރިވުމުގެ ސުންގަޑިއަކީ 16 އޯގަސްޓް 2024 ވަނަ ދުވަހުގެ ރޭ 20:30 އެވެ.

މި ލީގުގައި ބައިވެރިވެވޭނީ ހަމައެކަނި ދަރަނބޫދޫއަށް ނިސްބަތްވާ ފިރިހެނުންނަށެވެ. އެގޮތުން ދަރަނބޫދޫއަށް ރަޖިސްޓްރީވެފައިވުން ނުވަތަ ދަރަނބޫދޫއަށް ރަޖިސްޓްރީ ކުރެވިފައިވާ މީހަކާ އިނދެގެން އުޅުން ނުވަތަ ދަރަނބޫދޫއަށް ރަޖިސްޓްރީ ވެފައިވާ މީހެއްގެ ދަރިއަކަށްވުން ނުވަތަ ދަރަނބޫދޫގައި އާންމުކޮށް ދިރިއުޅޭތާ 6 މަހަށްވުރެ ގިނަ ދުވަސްވެފައިވުން އެއީ ދަރަނބޫދޫއަށް ނިސްބަތްވުން ކަމުގައި ބެލެވޭނެއެވެ. ސުންގަޑި ހަމަވާއިރު ޝަރުތު ހަމަނުވާ އަދި ވެރިފައި ނުކުރެވޭ މެނޭޖަރުން ދަނިއުސް ފެންޓަސީ ޕްރިމިއަރ ލީގުން ބޭން ކުރެވޭނެއެވެ.

ދަނިއުސް ފެންޓަސީ ލީގުގައި ކޮންމެ މެނޭޖަރަކަށްވެސް ރަޖިސްޓްރީ ކުރެވޭނީ 1 ޓީމެވެ. މި ލީގުގައި ބައިވެރިވާ ފަރާތްތަކަށް ޚާއްސަކުރެވިފައިވާ ވައިބަރ ގްރޫޕެއް މިހާރުވަނީ ހެދިފައެއެވެ. ބައިވެރިވާ ހުރިހާ މެނޭޖަރުން މި ގްރޫޕްގައި ތިބެންޖެހޭނެއެވެ. ދަނިއުސް ފެންޓަސީ ލީގާ ގުޅޭ އަދި ޕްރިމިއާރ ފެންޓަސީއާބެހޭ މަޢުލޫމާތުތަށް އެގްރޫޕްގައި ހިއްސާކުރެވޭނެއެވެ.

ދަނިއުސް ފެންޓަސީ ލީގުގައި ބައިވެރިވާން ބޭނުންވާ ފަރާތްތަކަށް ލީގުގެ ކޯޑު ވައިބަރ ކޮމިއުނިޓީ ގްރޫޕުން ލިބޭނެއެވެ. ވައިބަރ ކޮމިއުނިޓީއަށް ވަނުމަށް https://invite.viber.com/?g2=AQAFEIZCJKVpNk3InEO7YRTWQPLjuQBk69wANnp9VVLplinhitlIMZyifmURfCrw ލިންކުން އެހީތެރިވެދޭނެއެވެ.

ދަނިއުސް ފެންޓަސީ ލީގުގެ 3 ވަނަ ސީޒަން ނިމުނު އިރު އެންމެ ގިނަ ޕޮއިންޓް ހޯދާފައިވަނީ މަޙްމޫދު މުޙައްމަދު (އޯސީ) އެވެ.