ދަނިއުސް ފެންޓަސީ ލީގު 2023/24 ގެ ސެޕްޓެމްބަރ މަހުގެ އެންމެ ގިނަ ޕޮއިންޓް ހޯދި މެނޭޖަރަކަށް މުޙައްމަދު ސުލައިމާނު (ސުލަޑޭ އޭފްސީ) ހޮވިއްޖެއެވެ.

ފެންޓަސީ ލީގުގެ މި ސީޒަން ފެށިފައިވަނީ ހިނގަމުންދާ ދެވަނަ މަހެވެ. މި މަހުގައި ހަތަރު ހަފްތާގެ ކުޅުން ކުރިއަށް ގެންދެވިފައިވާއިރު “ސުލަޑޭ އޭފްސީ” އިން ފުރަތަމަ ހަފްތާގައިވަނީ 105 ޕޮއިންޓް ހޯދާފައެވެ. ދެވަނަ ހަފްތާގައި 41 ޕޮއިންޓް ހޯދާފައިވާއިރު ތިންވަނަ ހަފްތާގައި 76 ޕޮއިންޓް ވަނީ ހޯދާފައެވެ. އަދި ސެޕްޓެމްބަރު މަހުގެ ފަހު ހަފްތާގައި ކުޅެވުނު މެޗްތަކުން 74 ޕޮއިންޓް ވަނީ ހޯދާފައެވެ. އޯގަސްޓް މަހުގެ ނިޔަލަށް ޖުމުލަ 4 ޕޮއިންޓް މައިނަސް ކޮށްފައިވާ ޓީމް ބުލޫއަށް ލިބިފައިވަނީ 193 ޕޮއިންޓެވެ.

ސެޕްޓެމްބަރު މަހުގެ ފަހު ހަފްތާގެ މެޗްތައް ފެށުމާއި ހަމައަށް 1 ވަނައަށް ވަރަށް ގާތުން އެހެން ދެ މެނޭޖަރަކު ވާދަކުރިއެވެ. އެއީ އިބްރާހީމް ފަރީދުގެ އިތުރުން ހޫދު ސުލައިމާނެވެ. ހުރިހާ މެޗެއް ނިމިފައިވާއިރު ދެވަނަ އަށް ގޮސްފައިވަނީ އިބްރާހީމް ފަރީދެވެ. އަދި ހޫދު ސުލައިމާނު ފަހަތަށް ޖައްސާލުމަށްފަހު 3 ވަނައަށް އަރާފައިވަނީ ޝަޔާން އިސްމާޢީލެވެ.

ފެންޓަސީ ޕްރިމިއަރ ލީގުގެ ދަރަނބޫދޫ ފޭނުންނަށް ބައިވެރިވެވޭ ގޮތަށް ކުރިއަށް ގެންދާ މި މުބާރާތުގެ ކޮންމެ މަހެއްގެ 1 ވަނަ ލިބޭ މެނޭޖަރަކަށް ދަނިއުސްއިން ވަނީ 500ރ ގެ ފައިސާގެ އިނާމު ދިނުމަށް ކަނޑައަޅާފައެވެ. އެހެން އަހަރުތަކާއި ތަފާތުކޮށް މިއަހަރު ދަނިއުސް ލީގުގައި ހޮވަނީ ހަމައެކަނި ކޮންމެ މަހެއްގެ އެއްވަނަ މެނޭޖަރެވެ.

މި ސީޒަންގައި ދަނިއުސް ފެންޓަސީ ލީގު ކުރިއަށް ގެންދެވެނީ ޚައިރު ފައުންޑޭޝަނާއި، އުމަސް ސްޕޯޓްސް ކުލަބުގެ އިތުރުން އަ ނޮޓް އިން ޓައިމްއާއި ލައިކްއެމްވީ ގެ ސްޕޮންސަރގެ އެހީގައެވެ.