މަގޫދޫ މައްޗަށް ކުރިހޯދާ ފީއަލީ އަންހެން ޓީމު ފައިނަލްގެ ފުރުޞަތު ބޮޑުކޮށްފި

މަގޫދޫ މައްޗަށް ކުރިހޯދާ ފީއަލީ އަންހެން ޓީމު ފައިނަލްގެ ފުރުޞަތު ބޮޑުކޮށްފި

Img 3835

މަގޫދޫ މައްޗަށް ކުރިހޯދާ ފީއަލީ އަންހެން ޓީމު ފައިނަލްގެ ފުރުޞަތު ބޮޑުކޮށްފި

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ނިލަންދޫގައި މިހާރު ކުރިއަށްދާ “ފ.އަތޮޅު ވޮލީ މުބާރާތް 2023” ގައި މިރޭ ކުޅެވުނު އަންހެން ޑިވިޜަންގެ މެޗުން މަގޫދޫ ކައުންސިލްގެ ޓީމުގެ މައްޗަށް ކުރި ހޯދާ ފީއަލީ ކައުންސިލްގެ ޓީމު ފައިނަލްގެ ފުރުޞަތު ބޮޑުކޮށްފިއެވެ.

މެޗްފަށައިގެން 2 ޓީމުގައިވެސް ހިމެނޭ ރާއްޖެއިން ބޭރު ކުޅުންތެރިންގެ ބާރުޙަމަލާތަކާއެކު ހަމަހަމަ ކުޅުމެއް ފެނުނު ނަމަވެސް ސެޓް ކުރިއަށް ދިޔަ ވަރަކަށް ފީއަލީގެ ކުޅުން ރަނގަޅުކޮށް ފީއަލިން މިސެޓް ކާމިޔާބުކުރީ 25 – 21 އިންނެވެ. ދެވަނަ ސެޓް ފަށައިގެން މަގޫދޫން އެޓީމުގެ ކުޅުން ވަރަށް ބޮޑުތަން ރަނގަޅުކޮށް ރަނގަޅު ލީޑެއް ނެގިނަމަވެސް ސެޓްގެ ފަހުކޮޅު ހެދުނު ގިނަ މިސްޓޭކްތަކާއެކު މިސެޓްވެސް ފީއަލިން ކާމިޔާބު ކުރީ 25 – 21 އިންނެވެ. 2 ވަނަ ސެޓެކޭ އެއްގޮތަށް 3 ވަނަ ސެޓްގައިވެސް 20 ޕޮއިންޓާއި ހަމައަށް ދިޔައިރުވެސް މަގޫދޫން 4 ޕޮއިންޓްގެ ލީޑެއްގައި އޮތްނަމަވެސް ފަހުވަގުތު ފީއަލިން ކުޅުން ރަނގަޅުކޮށް 25 – 22 އިން ސެޓް ހޯދާ މެޗް ކާމިޔާބުކުރިއެވެ.

މެޗްގެ މޮޅު ކުޅުންތެރިއަކަށް ހޮވުނީ ފީއަލީ ޓީމުގެ ތައިލެންޑް ކުޅުންތެރިޔާ ކުތިކާ ކައުޕިންއެވެ.

މުބާރާތުގެ މާދަމާ ހަވީރު ކުޅޭ ފިރިހެން ޑިވިރަންގެ މެޗްގައި ދަރަނބޫދޫއާއި މަގޫދޫ ވާދާކުރާއިރު ރޭގަނޑު ކުޅެވޭ އަންހެން ޑިވިރަންގެ މެޗްގައި ވާދަކުރާނީ ދަރަނބޫދޫ އާއި ނިލަންދޫގެ ޓީމެވެ.

ފ.އަތޮޅުގައި ވޮލީ ދިރުވާ އާލާކޮށް ހުނަރުވެރި ކުޅުންތެރިންތަކެއް އުފެއްދުމުގެ މަޤުޞަދުގައި ފ.އަތޮޅު ކައުންސިލުން އިސްނަގައިގެން ފެށި މިމުބާރާތުގައި ފ.އަތޮޅުގެ 5 ރަށުގެ ތެރެއިން ބިލެތްދޫ ފިޔަވައި ކޮންމެ ރަށަކުންވެސް 2 ޑިވިރަންގައިވެސް ޓީމުތައްވަނީ ބައިވެރިކޮށްފައެވެ.

މިމަހު 10 ވަނަ ދުވަހުން ފެށިގެން މިމަހު 16 ވަނަ ދުވަހުގެ ނިޔަލަށް ނިލަންދޫ ވޮލީކޯޓްގައި ކުރިއަށްދާ މިމުބާރާތުގެ ކުޅުން ކުރިއަށް ގެންދިއުމަށް ހަމަޖެހިފައިވަނީ ކޮންމެ ޑިވިޜަނެއްގައި ކޮންމެ ޓީމެއް ކޮންމެ ޓީމަކާއި ވާދަކުރުމަށްފަހު އެންމެ ގިނަ ޕޮއިންޓް ހޯދާ ދެޓީމު ފައިނަލަށް ދާގޮތަށެވެ. މުބާރާތުގެ ކޮންމެ ޑިވިޜަނެއްގެވެސް ޗެމްޕިއަން ޓީމަށް އަތޮޅު ކައުންސިލުން 20 ހާސްރުފިޔާގެ ފައިސާގެ ޢިނާމު ވަނީ ހުށަހަޅާފައެވެ. މިމުބާރާތުގެ ކޯ ސްޕޮންސަރއަކީ ރިއަލް ޖާރޒީއެވެ. މުބާރާތުގެ މީޑިއާ ޕާޓްނަރަކީ ދަނިއުސްއެވެ. މުބާރާތުގެ ހުރިހާ މެޗެއް ދަނިއުސްއިން ފޭސްބުކު ލައިވް ކުރާގޮތަށް ވަނީ ހަމަޖެހިފައެވެ. މުބާރާތުގެ ޓެކްނިކަލް ހުރިހާ އެހީތެރިކަމެއް ފ.ޕޮލިސް ކްލަބުން ފޯރުކޮށްދެމުންދާއިރު ފ.އަތޮޅު ހޮސްޕިޓަލުންވެސްދަނީ ވަރަށް ފުރިހަމަ އެހީތެރިކަމެއް މުބާރާތަށް ފޯރުކޮށްދެމުންނެވެ. އަދި މި މުބާރާތް ހޯސްޓު ކުރަމުން އަންނަ ފ. ނިލަންދޫ ކައުންސިލުން މުބާރާތުގެ މެޗުތަކުގެ އިންތިޒާމް ހަމަޖައްސަވާފައިވަނީ ވަރަށް ރޭވުންތެރިކަމާއެކުގައެވެ.

ޙިއްސާ ކުރައްވާ:

ގުޅުންހުރި