ކޮންމެ މަހަކު އެއްވަނައަށް ހޮވޭ މެނޭޖަރަކަށް 500ރ ގެ ފައިސާގެ އިނާމްކަނޑއަޅާފައިވާ ދަނިއުސް ފެންޓަސީ ލީގުގައި ބައިވެރިވުމުގެ ފުރުސަތު ހުޅުވާލައިފިއެވެ.

އިނގިރޭސި ޕްރިމިއަރ ލީގު ކުރިއަށް އޮތް ސީޒަނާއި ގުޅޭގޮތުން ހުޅުވާލި މި ލީގުގައި ބައިވެރިވުމުގެ ސުންގަޑި ހަމަވާނީ ހުކުރު ދުވަހުގެ ރޭ 20:30 ގެ ނިޔަލަށެވެ.

ޕްރިމިއާ ލީގު ފެންޓަސީ ލީގަކީ މުޅި ދިވެހިންގެ މެދުގައި ވަރަށް މަޤުބޫލު ގޭމެކެވެ. މި ގޭމުގައި ކޮންމެ މީހަކަށްވެސް ބޭނުން ނަމެއްގައި ޕްރިމިއަރ ލީގުގެ ޓީމުތަކުގެ ކުޅުންތެރިން ހިމަނައިގެން ޓީމެއް ހަދައިގެން ޕްރައިވެޓް ލީގުތަކެއްގައި ބައިވެރި ވުމުގެ ފުރުސަތު ލިބިގެން ދެއެވެ.

މިއީ ދަނިއުސްއިން ފެންޓަސީ ލީގު ކުރިއަށް ގެންދާ ދެވަނަ ފަހަރެވެ. ދަނިއުސް ފެންޓަސީ ލީގުގައި މިސީޒަނުގައި ހޮވާނީ ކޮންމެ މަހެއްގައިވެސް އެންމެ ގިނަ ޕޮއިންޓް ހޯދާ މެނޭޖަރެވެ. ކޮންމެ މަހެއް ނިމުމުން އެމަހެއްގެ އެންމެ މަތިން ޕޮއިންޓް ހޯދާ މެނޭޖަރު ދަނިއުސްގެ ސޯސިއަލް މީޑިއާ އަދި ވެބްސައިޓްގައި އާންމުކުރެވޭނެއެވެ.

ދަނިއުސް ފެންޓަސީ ލީގުގައި ބައިވެރިވެވޭނީ ހަމައެކަނި ދަރަނބޫދޫއަށް ނިސްބަތްވާ ފިރިހެނުންނަށެވެ. ދަރަނބޫދޫ އަށް ނިސްބަތްވުން ކަމުގައި ބަލަނީ، ދަރަނބޫދޫއަށް ރަޖިސްޓްރީވެފައިވާ މީހެއްކަމުގައިވުން، ދަރަނބޫދޫ ރަޖިސްޓްރީ ކުރެވިފައިވާ މީހަކާއި އިނދެގެން އުޅުން، ދަރަނބޫދޫ ރަޖިސްޓްރީ ވެފައިވާ މީހެއްގެ ދަރިއެއްކަމުގައި ވުން، ދަރަނބޫދޫގައި “އާންމުކޮށް” ދިރިއުޅެމުން އަންނަތާ 6 މަސްދުވަހަށްވުރެ ގިނަ ދުވަސްވެފައިވުމަށެވެ. ލީގުގައި ރަޖިސްޓްރީކުރެވޭނީ ކޮންމެ މެނޭޖަރަކަށްވެސް އެއްޓީމެވެ. ލީގުގައި ބައިވެރިވުމުގެ ސުންގަޑި ހަމަވުމުން، ޝަރުތުހަމަނުވާ އަދި ވެރިފައި ނުކުރެވޭ ފަރާތްތައް ލީގުން ބޭންކުރެވޭނެއެވެ. ލީގުގައި ބައިވެރިވާ ފަރާތްތަކަށް ޚާއްސަކުރެވިފައިވާ ވައިބާރ ކޮމިއުނިޓީ ގުރޫޕެއް މިހާރު ހަދާފައިވާއިރު، ބައިވެރިވާ މެނޭޖަރުން މި ގުރޫޕަށް ވަންނަންޖެހެއެވެ.

ދަނިއުސް ފެންޓަސީ ލީގުގައި ބައިވެރިވާން ބޭނުންވާ ފަރާތްތަކަށް ލީގުގެ ކޯޑާއި ލިންކު ވައިބަރ ގުރޫޕުން ލިބެން ހުންނާނެއެވެ. ލީގުގައި ބައިވެރިވުމަށް ބޭނުންވާ މެނޭޖަރުން ވައިބަރ ގުރޫޕަށް ޖޮއިންކުރުމަށް ދަނިއުސްގެ ސޯސިއަލް މީޑިއާ އެޕްތަކުން މެސެޖްކޮށްލުމުން ނުވަތަ 7664422 އަށް ވައިބަރ އިން މެސެޖްކޮށްލުމުން އެފުރުސަތު ލިބިގެންދާނެއެވެ.

ދަނިއުސް ފެންޓަސީ ޕްރިމިއާ ލީގުގެ ފުރަތަމަ ސީޒަންގައި އެންމެ ގިނަ ޕޮއިންޓް ހޯދައިގެން އެއްވަނަ ހޯދާފައިވަނީ މުޙައްމަދު ސުލައިމާނެވެ. އަދި ދެވަނަ ސީޒަނުގައި އެންމެ ގިނަ ޕޮއިންޓް ހޯދާފައިވަނީ އިމްރާން އަޙްމަދެވެ.