ޖަޒީރާ ލީގު 2023: މެޗަކުން ބަލިނުވެ ބީސީ ސްޕޯޓްސް ކުލަބުން ޗެމްޕިއަންކަން ނަގައިފި!

ޖަޒީރާ ލީގު 2023: މެޗަކުން ބަލިނުވެ ބީސީ ސްޕޯޓްސް ކުލަބުން ޗެމްޕިއަންކަން ނަގައިފި!

Img E1707

ޖަޒީރާ ލީގު 2023: މެޗަކުން ބަލިނުވެ ބީސީ ސްޕޯޓްސް ކުލަބުން ޗެމްޕިއަންކަން ނަގައިފި!

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ފުއްޓަރު ސްޕޯޓްސް ޖަޒީރާ ލީގު 2023 ގައި ކުޅުނު ހުރިހާ މެޗަކުން މޮޅުވެ، ބީސީ ސްޕޯޓްސް ކުލަބުން ޗެމްޕިއަންކަން ހޯދައިފިއެވެ.

ލީގުގެ ފައިނަލް މެޗުގައި ބީސީ އާ ދެކޮޅަށް ކުޅުނީ މި މުބާރާތުގެ އެންމެ ފުރަތަމަ ޗެމްޕިއަންކަން ހޯދި ގަޓްސިޓީއެވެ.

ފައިނަލް މެޗުގެ ފުރަތަމަ ގޯލް ޖެހީ މެޗުގެ 11 ވަނަ މިނެޓުގައި ބީސީގެ ރަޔާންއެވެ. މިއީ ގަޓްސިޓީގެ ތަޖުރިބާކާރު ދެކުޅުންތެރިން ކަމަށްވާ މުޙައްމަދު އުމަރާއި އާދަމް ކައިރިން ހުށިޔާރުކަމާއެކު ނައްޓާލުމަށްފަހު މުޒްދާން ދިން އެސިސްޓަކުން ޖެހި ލަނޑެކެވެ. މި ލަނޑަށްފަހު މާގިނައިރެއްނުވެ ބީސީގެ ދާއިންއަށް ލިބުނު ބޯޅައެއް ވަނީ ގޯލުގެ މަތީކަނަށް އަމާޒުކޮށް ފޮނުވާލައިގެން ބީސީގެ ލީޑު ފުޅާ ކޮށްފައެވެ.

މެޗުގެ އިތުރު ލަނޑުތައް ފެނިގެން ދިޔައީ ފަހު ހާފްގައެވެ. ދެވަނަ ހާފްގެ 10 ވަނަ މިނެޓްގައި ބީސީގެ މުޒްދާންވަނީ ބީސީއަށް އިތުރު ގޯލެއް ކާމިޔާބުކޮށް ދީފައެވެ. މި މެޗުގައި ގަޓްސިޓީން ޖެހި ހަމައެކަނި ލަނޑު ކާމިޔާބު ކޮށްދިނީ އެޓީމުގެ ތޮއްޔިބެވެ. މި ލަނޑާއެކު އިތުރު ލަނޑުތަކެއް ޖެހުމަށް ދެޓީމަށްވެސް ރަނގަޅު ފުރުސަތު ތަކެއް ލިބިގެން ދިޔަނަމަވެސް، މެޗް ނިމުނީ އިތުރު ލަނޑެއް ކާމިޔާބު ނުކުރެވިއެވެ.

މިއީ މި މުބާރާތުގެ ޗެމްޕިއަންކަން ބީސީ ސްޕޯޓްސް ކުލަބުން ކާމިޔާބުކުރި ފުރަތަމަ ފަހަރެވެ.  2021 ވަނަ އަހަރު ފެއްޓި ޖަޒީރާ ލީގުގެ މިއީ ތިންވަނަ މުބާރާތެވެ. ބީސީ ސްޕޯޓްސް އިންވަނީ ފާއިތުވީ ދެއަހަރުވެސް މި މުބާރާތުގެ ފައިނަލްގައި ކުޅެ ރަނަރއަޕް ކަން ހޯދާފައެވެ.

ޙިއްސާ ކުރައްވާ:

ގުޅުންހުރި