ޖަޒީރާ ލީގު 2023: ހުރިހާ މެޗަކުން މޮޅުވެ ބީސީ ސެމީއަށް!

ޖަޒީރާ ލީގު 2023: ހުރިހާ މެޗަކުން މޮޅުވެ ބީސީ ސެމީއަށް!

9

ޖަޒީރާ ލީގު 2023: ހުރިހާ މެޗަކުން މޮޅުވެ ބީސީ ސެމީއަށް!

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ފުއްޓަރު ސްޕޯޓްސް ކުލަބުގެ ޖަޒީރާ ލީގު 2023 ގެ ފުރަތަމަ ބުރުގެ ފަހު މެޗު ބީސީ ސްޕޯޓްސް ކުލަބުން ކާމިޔާބު ކޮށްފިއެވެ. ވެސްޓް ސިޓީއާއި ދެކޮޅަށް ކުޅުނު މިމެޗު ބީސީ އިން ކާމިޔާބުކުރީ 3-0 ންނެވެ. މި ނަތީޖާ އާއެކު ބީސީ ސެމީއަށް ދަތުރު ކޮށްފައި މިވަނީ ކުޅުނު ހުރިހާ މެޗަކުން މޮޅުވެގެންނެވެ.

މި މެޗަށް ދެޓީމު ނިކުތްއިރުވެސް ސެމީގައި މި ދެޓީމު ކުޅެން ޖެހެއެވެ. މެޗުގައި ދެޓީމުގެ މުހިންމު ބައެއް ކުޅުންތެރިން ނުކުޅެ ރެސްޓް ކޮށްފައިވާއިރު، ކުރިން މެޗުތަކުގައި ކުޅެފައިނުވާ ޒުވާން ކުޅުންތެރިންނަށްވަނީ ފުރުސަތު ދީފައެވެ.

މި މެޗުގައި ބިސީގެ ރަޔާން ވަނީ ދެ ގޯލު ޖަހާފައެވެ. ރަޔާން އަންނަނީ މި މުބާރާތުގައި މޮޅު ކުޅުމެއް ދައްކަމުންނެވެ. ބީސީގެ އަނެއް ގޯލު ޖަހައި ދީފައިވަނީ ސާޖިދުގެ އެސިސްޓަކުން ބާސިތެވެ.

ދެވަނަ ހާފްގެ 11 ވަނަ މިނެޓުގައި ވެސްޓް ސިޓީގެ ޝާއިން ބީސީގެ ގޯލް ކީޕަރަށް ކުރި ފައުލަކާއި ގުޅިގެން ރެފްރީވަނީ ޝާއިންއަށް ރީނދޫ ކާޑެއް ދައްކާފައެވެ.

މި މެޗުގެ ކިންގަކަށް ހޮވިފައިވަނީ ބީސީ ސްޕޯޓްސް ކުލަބަށް ދެ ގޯލު ކާމިޔާބު ކޮށްދިން ރަޔާންއެވެ.

ޖަޒީރާ ލީގުގެ ސެމީ ފައިނަލްގެ މެޗުތައް އަންނަ އާދީއްތަ ދުވަހުގެ ރޭ ކުޅުމަށް ހަމަޖެހިފައިވާއިރު މި ދެ ޓީމް ބައްދަލުކުރާ މެޗު ކުޅުމަށް ހަމަޖެހިފައިވަނީ 20:30 ގައެވެ. މި މެޗަށް ފަހު ސެމީގެ ދެވަނަ މެޗުގައި ބައްދަލުކުރާނީ އެޑްޖަމްޢިއްޔާ އާއި ގަޓްސިޓީއެވެ.

ޙިއްސާ ކުރައްވާ:

ގުޅުންހުރި