ޖަޒީރާ ލީގު 2023: ވެސްޓް ސިޓީގެ ފުރަތަމަ މޮޅު އޭކްސް އާ ދެކޮޅަށް!

ޖަޒީރާ ލީގު 2023: ވެސްޓް ސިޓީގެ ފުރަތަމަ މޮޅު އޭކްސް އާ ދެކޮޅަށް!

7

ޖަޒީރާ ލީގު 2023: ވެސްޓް ސިޓީގެ ފުރަތަމަ މޮޅު އޭކްސް އާ ދެކޮޅަށް!

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ފުއްޓަރު ސްޕޯޓްސް ޖަޒީރާ ލީގު 2023 ގައި މިރޭ ކުޅުނު ފުރަތަމަ މެޗުގައި އޭކްސް ސްޕޯޓްސް ކުލަބުގެ މައްޗަށް ވެސްޓް ސިޓީން ކުރި ހޯދައިފިއެވެ.

މި މެޗުގައި ވެސްޓް ސިޓީން ހަ ގޯލު ޖަހާފައިވާއިރު އޭކްސް އިންވަނީ އެއް ގޯލު ޖަހާފައެވެ. މި މެޗާއެކު މި ދެ ޓީމު މި މުބާރާތުގައި ތިން މެޗު ކުޅެފައިވާއިރު މިއީ ވެސްޓް ސިޓީ މޮޅުވި ފުރަތަމަ މެޗެވެ. ތިން މެޗުން އޭކްސް ސްޕޯޓްސް ކުލަބުވަނީ ބަލިވެފައެވެ.

ފޯރިގަދަ މި މެޗުގެ ފުރަތަމަ ލަނޑު ކާމިޔާބު ކުރީ ވެސްޓް ސިޓީންނެވެ. މެޗުގެ 8 ވަނަ މިނެޓުގައި ވެސްޓްގެ އުމަރު ފޮނުވާލި ބޯޅައެއް އޭކްސްގެ ގޯލު ލައިން މަތިން ބޭރުކޮށްލަން އުޅުމުގެ ތެރޭގައި މި ލަނޑު ވަދެފައިވަނީ އޭކްސްގެ އަހުމަދު (މެޑޯ) ފައިގައި ޖެހިފައެވެ. ފުރަތަމަ ހާފްގެ ކުޅުން ނިމެން ފަސް މިނެޓަށް ވެފައި ވަނިކޮށް ވެސްޓްގެ ދެވަނަ ގޯލު ކާމިޔާބުކުރީ ލުގުމާނެވެ.

ދެވަނަ ހާފްގެ ކުޅުންފަށައި ހަތަރުވަނަ މިނެޓުގައި ލުގުމާނުގެ އެސިސްޓަކުން އުމަރު ވަނީ ވެސްޓް ސިޓީގެ ތިންވަނަ ގޯލު ކާމިޔާބުކޮށްފައެވެ. ހާފްގެ ކުޅުން ފެށުނުތާ ކުޑަިއރުކޮޅެއްތެރޭ އޭކްސްގެ އަހުމަދު ކުރި ފައުލަކަށް ރެފްރީ ރީނދޫ ކާޑެއް ދައްކާފައިވެއެވެ. މި ހާފްގެ 11 ވަނަ މިނެޓުގައި އުމަރު ވަނީ އިތުރު ގޯލެއް ކާމިޔާބު ކޮށްފައެވެ. މިގޯލު ކާމިޔާބު ކުރުމަށް އެހީތެރިވެދިނީ ވެސްޓްގެ ޝާއިން އެވެ.

މި މެޗުގައި އޭކްސް އިންޖެހި ހަމައެކަނި ލަނޑު ޖަހާދީފައިވަނީ ފަހު ހާފުގެ 12 ވަނަ މިނެޓުގައި މަހުމޫދު ސިޔާމެވެ. މިއީ މިއަހަރުގެ މުބާރާތުގައި މަހުމޫދު ކުޅުނު ފުރަތަމަ މެޗެވެ.

މެޗު ނިމެން ކުޑަތަން ވެފައިވަނިކޮށް ވެސްޓް ސިޓީގެ ކީޕަރަށް އާސިމް ކުރި ފައުލަކާއެކު އެޓީމުން 5 ފައުލް ކޮށްގެން ލިބުނު ޕެނަލްޓީއަކުން ވެސްޓްގެ ފަސްވަނަ ގޯލު ކާމިޔާބުކުރީ އަޒުހާން އަލީއެވެ. މި ޕެނަލްޓީއަށްފަހު ކުޅުން ފައްޓައިގެން އިތުރު ފައުލެއް އޭކްސް ޓީމުން ކުރުމުން އިތުރު ޕެނަލްޓީއެއް ވެސްޓަށް ލިބުނެވެ. ވެސްޓްގެ ހަވަނަ ގޯލު މި ޕެނަލްޓީއިން ކާމިޔާބުކޮށް ދިނީ މިމެޗުގައި މޮޅު ކުޅުމެއް ދެއްކި ލުގުމާނެވެ.

މެޗުގެ ކިންގަކަށް ހޮވިފައިވަނީ އުމަރު އަލީއެވެ.

ޙިއްސާ ކުރައްވާ:

ގުޅުންހުރި