ފުއްޓަރު ސްޕޯޓްސް ޖަޒީރާ ލީގު 2023 ގައި ކުޅުނު ދެވަނަ މެޗުގައިވެސް ބީސީ ސްޕޯޓްސް ކުލަބުން ލަނޑު ފުންޏެއް ޖަހައިފިއެވެ. މިރޭ 20:45 ގައި ކުޅުނު މިމެޗުގައި ބައްދަލުކުރީ ބީސީ ސްޕޯޓްސް ކުލަބާއި އޭކްސް ސްޕޯޓްސް ކުލަބެވެ.
މި މެޗުގައި ބީސީންވަނީ އޭކްސްކޮޅަށް 6 ލަނޑު ޖަހައިފައެވެ. މެޗުގެ ފުރިހަމަ ވަގުތުގެ ކުޅުން ހަމަވިއިރުވެސް އޭކްސްއަށް ބީސީގެ ގޯލު ފޫއަޅުވާލައި ގޯލެއް ކާމިޔާބު ކުރެވިފައެއް ނުވެއެވެ.
މި މެޗުގައި ބީސީގެ މުޒްދާން ވަނީ ހެޓްރިކެއް ހަދާފައެވެ. ހެޓްރިކް ހެދުމުގެ ކުރިން ބީސީއަށް ލިބުނު ޕެނަލްޓީއެއް މުޒްދާން ޖެހިނަމަވެސް، އޭކްސްގެ ގޯލްކީޕަރު އަފީފްވަނީ ހުޝިޔާރުކަމާއެކު ހުއްޓުވާފައެވެ. މި މެޗުގައި ބީސީއަށް އިތުރު ގޯލްތައް ކާމިޔާބު ކޮށްދީފައިވަނީ ރަޔާން އަދި މައީޝްއެވެ. ރަޔާން ވަނީ މިމެޗުގައި ދެ ގޯލު ކާމިޔާބު ކޮށްފައެވެ.
ފޯރިގަދަ މި މެޗުގެ ކިންގަކަށް ހޮވިފައިވަނީ ބީސީއަށް ހެޓްރިކް ހަދައިދިން މުޒްދާނެވެ.
ލީގުގައި ބީސީ ސްޕޯޓްސް ކުލަބު ދެން ބައްދަލުކުރާނީ ގަޓްސިޓީއާއެވެ. އޭކްސް ސްޕޯޓްސް ކުލަބު ބައްދަލުކުރާނީ ވެސްޓް ސިޓީއާއެވެ. މި ދެޓީމް ވަނީ ލީގުގައި ކުޅުނު ދެ މެޗުންވެސް ބަލިވެފައެވެ. އެހެން ކަމުން މި މެޗަކީ މޮޅެއް ހޯދުމަށް ދެޓީމަށްވެސް މުހިންމު މެޗެކެވެ.
