ދަރަނބޫދޫ ކައުންސިލް ރައީސްގެ އިތުބާރުނެތްކަމަށް ފާސްކޮށްފި

ދަރަނބޫދޫ ކައުންސިލް ރައީސްގެ އިތުބާރުނެތްކަމަށް ފާސްކޮށްފި

Fdci

ދަރަނބޫދޫ ކައުންސިލް ރައީސްގެ އިތުބާރުނެތްކަމަށް ފާސްކޮށްފި

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ފ. ދަރަނބޫދޫ ކައުންސިލްގެ ރައީސްކަމުގެ މަޤާމުގައި ހުންނެވި ޢަލީ މުޙައްމަދުގެ އިތުބާރު ނެތްކަމަށް ވޯޓެއްނަގައި އޭނާ މަޤާމުން ދުރުކޮށްފިއެވެ. އަލިބެގެ މައްޗަށް އިތުބާރު ނެތްކަމުގެ ވޯޓެއް ނަގާފައި މިވަނީ މިއަދު ކައުންސިލުން ކުރިއަށް ގެންދިޔަ ޖަލްސާގައެވެ.

ރައީސް cކަމުގައި އަލިބެ ބަހައްޓަން އިތުބާރު ނެތްކަމަށް ބުނެ އެމައްސަލަ ކައުންސިލަށް ހުށަހަޅާފައިވަނީ ކައުންސިލްގެ ނައިބް ރައީސް އަޙުމަދު ޒަކީއެވެ. ކައުންސިލުން މިމަހުގެ 8 ވަނަ ދުވަހު ބޭއްވި ޖަލްސާގެ އެޖެންޑާއަށް މައްސަލަ ހުށަހެޅި ލިޔުމުގައި ބުނެފައިވަނީ ދަރަނބޫދޫ ކައުންސިލްގެ ރައީސް ޢަލީ މުޙައްމަދު ކައުންސިލާއި، ކައުންސިލަރުންގެ އަގު ވެއްޓޭގޮތަށް ވާހަކަ ދައްކައި ޢަމަލުކުރާތީ ހުށަހެޅޭ މައްސަލައެއް ކަމަށެވެ.

އެމައްސަލައިގެ ތަފްޞީލުގައި ބުނެފައިވާ ގޮތުގައި ކައުންސިލްގެ ރައީސް ޢަލީ މުޙައްމަދާއި ރައްޔިތުންނާއި އޮންނަ ގުޅުން ކުޑަވެ، ކަންކަމުގެ ޚިޔާލާއި ލަފާހޯދައި ކަންކަން ނިންމަނީ ވަކި ބަޔަކު ބުނާގޮތަށެވެ. އަދި ކަންކަމުގައި ކައުންސިލް މެމްބަރުންގެ މަޝްވަރާ ނުހޯދާކަމަށާއި ކައުންސިލުން ފާސްކުރާ ނިންމުންތައް ތަންފީޒު ކުރުމުގައި ރައީސް އިހުމާލުވެފައިވެއެވެ. މީގެ އިތުރުން ކައުންސިލްގެ މުދާ ނަހަމަ ގޮތުގައި ބޭނުން ކުރުމާއި ރައްޔިތުންގެ މަސްލަޙަތު ރަށުތެރޭގައި ގެއްލޭގޮތަށް ވާހަކަ ދައްކައި ކައުންސިލުން ތަންފީޒު ނުކުރެވޭކަންކަން ނުކުރެވި ހުންނަނީ ކައުންސިލްގެ ދެން ތިއްބެވި މެމްބަރުންގެ އެއްބާރުލުން ނުލިބޭތީކަމަށް މިލިޔުމުގައި ބުނެފައިވެއެވެ.

08 ޖުލައި 2020 ވަނަ ދުވަހުގެ މިޖަލްސާގައި މިކަންކަން ހުށަހެޅުމަށްފަހު ފާހަގަ ކޮށްފައިވާ ކަންކަން އިސްލާޙުކުރުމަށް އަލިބެއަށް 10 ދުވަހުގެ މުއްދަތެއް ދީފައިވެއެވެ. އެއީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުން ކަށަވަރުކުރުމުގެ ޚާއްސަ ޤާނޫނު 2020ގެ ދަށުން ކައުންސިލްތައް ހިންގުމުގައި ޢަމަލުކުރާނެ ގޮތުގެ އުޞޫލު (16 ޖޫން 2020) ގައި ބުނާ މުއްދަތެވެ.

އެ މުއްދަތުގެ ހަމަވުމުން އެމައްސަލައަށް ގޮތެއް ނިންމުމަށް މިއަދު ބޭއްވެވި ޖަލްސާގައި ކައުންސިލްގައި ދެން ތިއްބަވާ ދެ މެމްބަރުން ވަނީ އަލިބެގެ އިތުބާރުނެތް ކަމަށް ފާސްކޮށްފައެވެ. ދަރަނބޫދޫ ކައުންސިލްގައި ތިއްބަވާ 3 މެމްބަރުންނަކީވެސް ވެރިކަން ކުރާ ޕާޓީ، އެމް.ޑީ.ޕީއަށް ނިސްބަތްވާ މެމްބަރުންނެވެ.

އަލިބެގެ އިތުބާރު ނެތްކަމަށް ނިންމި މައްސަލައަށް ގޮތެއް ނިންމޭނީ މައްސަލަ ހިނގައި ދިޔަގޮތުގެ ލިޔުންތައް ކައުންސިލުން ލޯކަލް ގަވަމެންޓް އޮތޯރިޓީއަށް ހުށަހެޅުމުން އެފަރާތުން އެމައްސަލައާއިމެދު ގޮތެއް އެންގުމުންނެވެ. އެލް.ޖީ.އޭގެ ލަފައެއް އެކަމުގައި ލިބުމާއި ހަމައަށް ރައީސްކަމުގެ މަސްޢޫލިއްޔަތުން އަލިބެ ވަގުތީގޮތުން އެކަހެރިވާނެއެވެ.

އަލިބެގެ އިތުބާރުނެތް ކަމުގެ ވޯޓެއް ކައުންސިލުން ނަގާފައިވާއިރު އެކަމަށް ރަށުގެ ވަރަށް ގިނަ ފަރާތްތަކުންވަނީ ފާޑުކިޔާފައެވެ. އަލިބެގެ ދިފާޢުގައި ގިނަ މީހުން ވާހަކަ ދައްކަމުން އަންނައިރު، އަލިބެއަށް ކުރެވޭ ތުހުމަތުތަކަކީ ޙަޤީޤަތެއް ނެތްކަމެއް ކަމަށްވެސް ގިނަބަޔަކު ދެކޭކަން މީސްމީޑިއާއިން ފާހަގަވެއެވެ.

ޢަލީ މުޙައްމަދަކީ ދަރަނބޫދޫގެ ތަރައްޤީއަށް ކުރެވިފައިވާ އެތައް މަސައްކަތެއްގައި އިސްކޮށް ޙަރަކާތްތެރިވެފައިވާ ފަރާތެކެވެ. ތަރައްޤީގެ ރޮނގުގައި ކުރެވިފައިވާ އަދި ކުރެވެމުންދާ މަސައްކަތްތަކުގައި ލީޑުކޮށް، ރައްޔިތުންގެ އިޙުތިރާމާއި ލޯބި ލިބިފައިވާ ފަރާތެކެވެ.

ޙިއްސާ ކުރައްވާ:

ގުޅުންހުރި