ދަރަނބޫދޫ ކައުންސިލަށް އެސްޖީއެއް ހޯދުމަށް އިޢުލާނުކޮށްފި

ދަރަނބޫދޫ ކައުންސިލަށް އެސްޖީއެއް ހޯދުމަށް އިޢުލާނުކޮށްފި

Fdci

ދަރަނބޫދޫ ކައުންސިލަށް އެސްޖީއެއް ހޯދުމަށް އިޢުލާނުކޮށްފި

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ދަރަނބޫދޫ ކައުންސިލަށް ސެކްރެޓަރީ ޖެނެރަލަކު ހޯދުމަށް ސިވިލް ސާވިސް ކޮމިޝަނުން އިޢުލާނުކޮށްފިއެވެ. ލޯކަލް ކައުންސިލް ތަކުގެ އެންމެ އިސް އިދާރީ މުވައްޒަފުން ހޯދުމަށް ސިވިލް ސާވިސް ކޮމިޝަނުން އިޢުލާނުކޮށްފައި މިވަނީ މިހާތަނަށް ދާއިމީ އެސްޖީން ހަމަޖެހިފައިނުވާ ކައުންސިލް ތަކަށެވެ.

ސިވިލް ސާވިސް މުވައްޒަފުންގެ ދެ ރޭންކެއްގެ ކެޓަގަރީ ހިމަނައިގެން ޝަރުތު ކަނޑައަޅާފައިވާ މި މަޤާމަށް މެނޭޖްމަންޓް، އެޑްމިނިސްޓްރޭޝަން، ގަވަރނަންސް، އަރބަން ސްޓަޑީސް، ސޯޝަލް ސައިންސް ނުވަތަ ކޮމިއުނިޓީ ޑިވެލޮޕްމަންޓްގެ ދާއިރާއިން ދިވެހި ރާއްޖޭގެ ޤައުމީ ސަނަދު ތަކުގެ އޮނިގަނޑުލް ދަށްވެގެން ލެވެލް 7 ގެ ސަނަދެއް ހާސިލްކޮށްފައި ވާންޖެހެއެވެ. މީގެ އިތުރުން ވަޒީފާގައި މަދުވެގެން 3 އަހަރު މަސައްކަތްކޮށް އެސްޖީއެއްގެ މަޤާމަށް ކަނޑައަޅާފައިވާ މަސައްކަތާއިގުޅޭ ތަޖުރިބާ ލިބިފައިހުރި މީހަކަށް ވާންޖެހެއެވެ.

“ލޯކަލް ކައުންސިލްތަކުގެ ސެކްރެޓަރީ ޖެނެރަލްގެ މަޤާމުތަކަށް މީހުން ހޮވުމާއި ޢައްޔަނުކުރުމުގެ އުސޫލު 2021” ގެ 9.1ގައި ބަޔާންކޮށްފައިވާ ގޮތުގެ މަތީން “ވަޒީފާއަށް ކުރިމަތިލާ ފަރާތުން އަދާކޮށްފައިވާ މަޤާމުތަކުގައި ކޮށްފައިވާ މަސައްކަތާއި މަސްޢޫލިއްޔަތުތައް” އެޑްމިނިސްޓްރޭޝަން ނުވަތަ މެނޭޖްމަންޓްގެ މަސައްކަތުގެ ދާއިރާއާއި ގުޅޭކަމުގައި ވާނަމަ، އެތަޖުރިބާއަކީ މި މަޤާމުގެ އަސާސީ ޝަރުތުގައި ހިމެނޭ މަޤާމުގެ މަސައްކަތާ ގުޅޭ ތަޖުރިބާ ކަމުގައި ބެލެވޭނެކަމަށް އިޢުލާނުގައި ބުނެފައިވެއެވެ.

ދަރަނބޫދޫ ކައުންސިލަށް މީގެކުރިންވެސް އެސްޖީއެއް ހޯދުމަށް އިޢުލާނުކުރެވިފައިވާކަން ފާހަގަ ކޮށްލެވެއެވެ. އެގޮތުން ދަރަނބޫދޫ ކައުންސިލްގެ އެސްޖީއަށް މީގެ ކުރިން ކުރިމަތިލެއްވި ސ.މަރަދޫ ފެންސީގޭ އަލްފާޟިލް އިބްރާހީމް ޝަފީޒަށް ރުހުން ދިނުމުގެ މައްސަލައަށް ގޮތެއް ނިންމުމަށް ސިވިލްސާވިސް ކޮމިޝަނުން އެދިފައިވެއެވެ. ނަމަވެސް ކައުންސިލްގެ 5 މެމްބަރުންގެ ތެރެއިން އެ ވޯޓުގައި ބައިވެރިވި 3 މެމްބަރުންގެ 2 މެމްބަރުންގެ އަޣުލަބިއްޔަތުން ނިންމީ އެފަރާތަށް އެސްޖީކަން ދިނުމަށް ނުފެންނަ ކަމަށެވެ.

ދަރަނބޫދޫ ކައުންސިލްގެ ވަގުތީ ސެކްރެޓަރީ ޖެނެރަލްގެ މަޤާމަށް އެކައުންސިލްގެ އޮފިސަރ ޚުޒައިމާ މޫސާ ސިވިލް ސާވިސް ކޮމިޝަނުން ހަމަޖައްސާފައިވަނީ 2021 ނޮވެމްބަރު 15 ވަނަ ދުވަހުގައެވެ.

ޙިއްސާ ކުރައްވާ:

ގުޅުންހުރި