އުމުރުން އެންމެ ތޭރަ އަހަރުގައި އިމާމުވެ ހުކުރުނަމާދާއި ޢީދުނަމާދާއި ކޭތަނަމާދު ކުރުމުގެ ހުއްދަ ފ. ނިލަންދޫ މިނާ، އަސްކާން އަޙްމަދު ޙާސިލްކޮށްފިއެވެ.
މިނިސްޓްރީ އޮފް އިސްލާމިކް އެފެއާޒުން ދެއްވާފައިވާ ހުއްދައިގެ ދަށުން އަސްކާން މިއަދުވަނީ ދަރަނބޫދޫ ތަޤުވާ މިސްކިތުގައި އިމާމުވެ ހުކުރު ނަމާދު ކުރައްވާފައެވެ. ޒުވާން ޚަޠީބުން ތަމްރީން ކުރުމުގެ ޕްރޮގްރާމް ފުރިހަމަކުރެއްވި އަސްކާނަކީ މިވަގުތު ފ.އަތޮޅު ތަޢުލީމީ މަރުކަޒުގެ ގްރޭޑް 8 ގައި ތަޢުލީމް ޙާސިލްކުރަމުން އަންނަ ދަރިވަރެކެވެ.
މުސްލިމް އަޚާއަށް ހެޔޮކޮށް ހިތުމުގެ މަޢުޟޫއަށް ފަރިތަކަމާއެކު ޚުޠުބާ އިއްވާ ދެއްވި އަސްކާންގެ ޤުރުއާން ކިޔެވުމުގެ ފަރިތަކަމާއި ރާގުގެ ހިތްގައިމުކަމުގެ ވާހަކަ ގިނަބަޔަކު ދައްކަމުން އަންނަކަން ފާހަގަކުރެވެއެވެ.
މިއަދުގެ ހުކުރު ނަމާދާއެކު އަސްކާން ވެފައިވަނީ ދަރަނބޫދޫގެ މިސްކިތުގައި އިމާމުވެ ހުކުރު ނަމާދު ކުރެއްވި އެންމެ ޒުވާން ޚަޠީބަށެވެ. ޒުވާން ޚަޠީބުން ތަމްރީން ކުރުމުގެ ޕްރޮގްރާމް ފުރިހަމަކޮށް މީގެ ކުރިން މި މިސްކިތުގައި ދަރަނބޫދޫގެ 17 އަހަރުގެ ދެ ދަރިވަރުންވަނީ އިމާމުވެ ހުކުރު ނަމާދު ކުރައްވާފައެވެ.79