ކައުންސިލާއި ފުލުހުން ގުޅިގެން ދަރަނބޫދޫގައި ކަސްރަތު ޕްރޮގްރާމެއް ފަށައިފި

ކައުންސިލާއި ފުލުހުން ގުޅިގެން ދަރަނބޫދޫގައި ކަސްރަތު ޕްރޮގްރާމެއް ފަށައިފި

Kas

ކައުންސިލާއި ފުލުހުން ގުޅިގެން ދަރަނބޫދޫގައި ކަސްރަތު ޕްރޮގްރާމެއް ފަށައިފި

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ފ. ޕޮލިސް އާއި ފ. ދަރަނބޫދޫ ކައުންސިލް ގުޅިގެން ދަރަނބޫދޫގައި ކަސްރަތު ޕްރޮގްރާމެއް ފަށައިފިއެވެ.

ދަރަނބޫދޫ ރައްޔިތުންނަށް ބައިވެރިވެވޭ ގޮތަށް އާއްމުކޮށް ހުޅުވާލައިގެން ކުރިއަށް ގެންދާ މި ޕްރޮގްރާމަކީ ފ.އަތޮޅު ފުލުހުންނާއި ދަރަނބޫދޫ ކައުންސިލް ގުޅިގެން އެއްމަސް ދުވަހުގެ މުއްދަށް ކުރިއަށްގެންދާ ޕްރޮގްރާމެކެވެ. މި ޕްރޮގްރާމުގައި 51 ފަރާތަކުން ވަނީ ބައިވެރިވެފައެވެ.

މި ޕްރޮގްރާމުގައި ކަސްރަތު ކުރަންވީ ރަނގަޅު ގޮތްތަކާއި ދުޅަހެޔޮ ސިއްހަތެއްގައި ހުރުމަށް ކަސްރަތު ކުރުމުގެ މުހިންމުކަމާއި ގުޅޭގޮތުންނާއި، ރަނގަޅު ސިއްޙަތެއްގައި ދެމިހުރުމަށް ރަނގަޅު ކާނާ ކެއުމުގެ މުހިއްމުކަމާއި ބެހޭގޮތުން ބައިވެރިންނަށް މަޢުލޫމާތު ދެވޭނެ ކަމުގައި ދަރަނބޫދޫ ކައުންސިލުން ހާމަކުރެއެވެ.

މީގެއިތުރުން މި ޕްރޮގްރާމުގައި ބައިވެރިވާ ފަރާތްތަކަށް އަމާޒުކޮށްގެން ހޭލުންތެރިކުރުމުގެ ސެޝަންތަކެއް ކުރިއަށް ގެންދިޔުމަށް ހަމަޖެހިފައިވެއެވެ. މި ޕްރޮގްރާމްގެ އިންސްޓްރަކްޓަރ އެއްގެ ގޮތުގައި މަސައްކަތްކުރަނީ ޕޮލިސް ސާޖަންޓް މުޙައްމަދު ޚަލީލާއި، ފ. ނިލަންދޫ ސްޕޯޓްސް ކައުންސިލަރ ޒީނަތު އިސްމާޢީލްއެވެ.

ފ. އަތޮޅުގައި މަސައްކަތްކުރާ ފުލުހުން މީގެކުރިންވެސް މިފަދަ ކަސްރަތު ޕްރޮގްރާމްތަކެއް ދަރަނބޫދޫގެ އިތުރުން ފ. އަތޮޅުގެ އެހެން ރަށްރަށުގައިވެސް ވަނީ ހިންގާފައެވެ. އަދި މި ޕްރޮގްރާމްތަކަށް ރައްޔިތުންގެ ވަރަށް ބޮޑު ތަރުހީބެއްވަނީ ލިބިފައެވެ.

ޙިއްސާ ކުރައްވާ:

ގުޅުންހުރި