އރާއްޖެއަށް މިހާރު ކުރަމުންދާ ވިއްސާރައިގައި ފ.ނިލަންދޫގައި ވަރަށް ފެންބޮޑުވެ ބޮޑެތި ގެއްލުންތަކެއް ލިބިފައިވާތީ، އެ ހިތްދަތިކަމުގައި ރައްޔިތުންނާއެކު ބައިވެރިވާކަމަށް ފ. ނިލަންދޫ ކައުންސިލުން ހާމަކުރައްވައިފިއެވެ. ނިލަންދޫ ކައުންސިލުން މިކަން ހާމަކުރެއްވީ އެކައުންސިލްގެ ރަސްމީ ފޭސްބުކް މަންސައަށް މީގެ އިރުކޮޅެއް ކުރިން ދޫކޮށްލި ކުރު މެސެޖެއްގައެވެ.
ނިލަންދޫ ކައުންސިލުން ފޭސްބުކްގައި ހާމަކުރައްވާފައިވާ ގޮތުގައި އެތައް ބަޔަކަށް ގެއްލުންތަކެއް ލިބިފައިވާ މިދަނޑިވަޅުގައި ނިލަންދޫ ލޮބުވެތި ރައްޔިތުންނަށް ދިމާވި ހިތްދަތިކަމުގައި ކައުންސިލުން ބައިވެރިވާ ކަމަށާއި، ލިބުނު ގެއްލުންތައް ދެނެގަނެ، ސަރުކާރުގެ ކަމާއި ގުޅުންހުރި އިދާރާތަކުގެ ސަމާލުކަމަށް ގެންނަމުން އަންނަކަމަށެވެ. މީގެ އިތުރުން ރައްޔިތުންނަށް އެހީތެރިވުމުގައި ޙަރަކާތްތެރިވަމުން އަންނަ އެންމެހައި ފަރާތްތަކަށް އެކައުންސިލުންވަނީ ޝުކުރު އަދާކުރައްވާފައެވެ.
ރެއިން ފެށިގެން ފ.އަތޮޅުގެ ރަށްތަކަށް ކުރަމުން ދިޔަ ވިއްސާރަ އަލި ވެފައިވަނީ މިއަދު މެންދުރު 13:30 ކަންހާއިރުގައެވެ. ހުއްޓުމެއް ނެތި ވެހެމުން ދިޔަ ބޯ ވާރެއާއި ގުޅިގެން ފ.އަތޮޅުގެ ހުރިހާ ރަށެއްގައިވަނީ ފެންބޮޑުވެފައެވެ.
މިހާރު ކުރަމުންދާ ވިއްސާރައިގައި ނިލަންދޫގެ އަމިއްލަ ފަރުދުންގެ ގޭގެއަށާއި ވިޔަފާރިތަކަށް ބޮޑެތި ގެއްލުންތަކެއް ލިބިފައިވާކަމަށް އެރަށުންވަނީ މަޢުލޫމާތު ލިބިފައެވެ.