ވިއްސާރައިގެ ސަބަބުން ނިލަންދޫއަށް ބޮޑެތި ގެއްލުންތަކެއް!

ވިއްސާރައިގެ ސަބަބުން ނިލަންދޫއަށް ބޮޑެތި ގެއްލުންތަކެއް!

472071230 607905534953098 4473332953602326144 N

ވިއްސާރައިގެ ސަބަބުން ނިލަންދޫއަށް ބޮޑެތި ގެއްލުންތަކެއް!

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ރާއްޖެއަށް މިހާރު ކުރަމުންދާ ވިއްސާރައިގައި ފ. ނިލަންދޫގައިވެސް ފެންބޮޑުވެ ބޮޑެތި ގެއްލުންތަކެއް ވެއްޖެއެވެ. ރެއިން ފެށިގެން މެދުރާއްޖޭގެ ބައެއް ރަށްތަކަށް ކުރަމުން ދިޔަ ވިއްސާރައިގައި ހުއްޓުމެއްނެތި މިއަދު މެންދުރު 13:30 އާއި ހަމައަށްވަނީ ވާރޭ ވެހިފައެވެ.

ވިއްސާރައިގައި ލިބެމުންދާ ގެއްލުންތަކާއި ގުޅިގެން ރާއްޖޭގެ ބައެއް މީޑިއާތަކަށް މަޢުލޫމާތު ދެއްވަމުން ނިލަންދޫ ކައުންސިލްގެ ރައީސް އަލީ އަޙްމަދު ވިދާޅުވީ އެރަށުގެ ބައެއް ހިސާބުތަކުގައި 2 ފުޓާއި ހަމައަށް ފެންބޮޑުވެފައިޥާ ކަމަށެވެ. އަދި ނިލަންދޫގެ %85 ގެއަށް ފެނުގެ އަސަރުކޮށް އެކިވަރުގެ ގެއްލުން ލިބިފައިވާ ކަމުގެ ރިޕޯޓް ލިބިފައިވާކަމަށެވެ.

މި ވިއްސާރައިގެ ސަބަބުން އެރަށު މީހުން ދިރިއުޅޭ ގެތަކުގެ އިތުރުން ވިޔަފާރިތަކަށްވެސް ބޮޑެތި ގެއްލުން ލިބިފައިވާކަމުގެ މަޢުލޫމާތު ލިބެއެވެ. އެގޮތުން ގޭގޭގައި ބޭނުންކުރާ އަގުބޮޑު ތަކެއްޗާއި ވިޔަފާރިތަކުގެ މުދާތަކަށްވެސް ގެއްލުން ލިބިފައިވާކަމަށާއި ނިލަންދޫގެ ބައެއް ހިސާބުތަކުން ކަރަންޓްވެސް ކެނޑިފައިވާ ކަމަށް މަޢުލޫމާތު ލިބެއެވެ.

ނިލަންދޫގައި ފެން ހިންދުމުގެ މަސައްކަތް އެމްއެންޑީއެފްއާއި ފާފު އަތޮޅު ފުލުހުން އަދި އެރަށު ރައްޔިތުން ގުޅިގެން އަންނަނީ ކުރަމުންނެވެ.

މޯލްޑިވްސް ނެޝަނަލް ޑިޒާސްޓާރ މެނޭޖްމަންޓް އޮތޯރިޓީންވަނީ ނިލަންދޫގައި ފެންބޮޑުވެފައިވާ ކަމުގެ ރިޕޯޓް ލިބިފައިވާކަމަށް ހާމަކުރައްވާފައެވެ.

ޓެގް:

ޙިއްސާ ކުރައްވާ:

ގުޅުންހުރި