ކިފާޙް މިސްކިތުގައި ނެވިލިއޯން އެޅުމުގެ މަސައްކަތް ފަށައިފި

ކިފާޙް މިސްކިތުގައި ނެވިލިއޯން އެޅުމުގެ މަސައްކަތް ފަށައިފި

Kifah

ކިފާޙް މިސްކިތުގައި ނެވިލިއޯން އެޅުމުގެ މަސައްކަތް ފަށައިފި

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ފ. ދަރަނބޫދޫ ހުޅަނގު ކޮޅުގައި ހުންނަ ކިފާޙް މިސްކިތުގައި ނެވިލިއޯން އިންސްޓާލް ކުރުމުގެ މަސައްކަތް ދަރަނބޫދޫ ކައުންސިލުން މިއަދު ފަށައިފިއެވެ.

މިއީ 2022 ވަނަ އަހަރުގެ މާޗުމަހު ފީއަލީ ސިއްޙީމަރުކަޒާއި ފީއަލީ ކައުންސިލް ގުޅިގެން ދަރަނބޫދޫ ކައުންސިލަށް ހަދިޔާ ކުރައްވާފައިވާ ނެވިލޯން ތަކެކެވެ. ނެވިލޯންތައް ދަރަނބޫދޫ ކައުންސިލާއި ޙަވާލުކޮށްފައި ވީނަމަވެސް، ގިނަ ދުވަސްތަކެއް ވަންދެން މިތަކެތި ހުރީ ކިފާޙް މިސްކިތު ތެރޭގައި ބަހައްޓާފައެވެ. ދަރަނބޫދޫ ކައުންސިލަށް މިތަކެތި ހޯދައި ދިނުމުގައި އެންމެ މުހިންމު ރޯލެއް އަދާކުރި ފީއަލީ ސިއްޙީމަރުކަޒުން، މިސްކިތުގައި ނެވިލޯން އިންސްޓާލްކުމުގެ މަސައްކަތް އަގެއް ނުނަގައި ކޮށްދޭގޮތަށް އޭރު ހުށަހަޅާފައި ވެއެވެ.

އެހެންނަމަވެސް އޭރުވެސް އެމިސްކިތުގެ މަރާމާތުގެ ބޮޑު މަސައްކަތެއްކޮށް އެއްކޮށް ނިންމާލެވިފައިނުވާތީ، ނެވިލޯންވަނީ އިންސްޓާލް ނުކުރެވިފައެވެ. އޭގެ ފަހުން ފާއިތުވީ ރޯދަމަސްތަކާއި ދިމާކޮށްވެސް އެތަކެތި އިންސްޓާލްކުރުމުގެ ވިސްނުން ކައުންސިލުން ގެންގުޅުނުކަމަށް މަޢުލޫމާތު ލިބިފައިވެއެވެ.

މަސްޖިދުލް ކިފާޙަކީ 1982 ވަނަ އަހަރުގެ މާޗްމަހު  ލީބިޔާ ސަރުކާރުން ދަރަނބޫދޫގައި ބިނާކޮށްފައިވާ މިސްކިތެކެވެ. މިއީ ދޭތެރެ ދޭތެރެއިން މަރާމާތުގެ އެކި މަސައްކަތް ކުރެވިފައިވާ މިސްކިތެކެވެ. އެގޮތުން ފަހުގެ ތާރީޚެއްގައި 2012 އޯގަސްޓް 26 ވަނަ ދުވަހު މިސްކިތް މަރާމާތުކުރުމަށް ބަންދުކުރެވިފައިވާއިރު، 2017 ވަނަ އަހަރު މާރޗް 21 ވަނަދުވަހު އެމިސްކިތުގެ ޖާގަ ބޮޑުކުރުމަށް 15 ދުވަހަށްވަނީ ބަންދުކޮށްފައެވެ.

ކިފާޙް މިސްކިތަށް 35 އަހަރު ވެފައިވަނިކޮށް 2017 ވަނަ އަހަރު 15 ދުވަހަށް މިސްކިތް ބަންދުކުރި ނަމަވެސް، އޭގެ އެތައް ދުވަހެއް ފަހުން މިސްކިތް ހުޅުވާފައިވަނީ ވަރަށް ބޮޑެތި ބަދަލުތަކާއެކުގައެވެ. އެގޮތުން ލީބިޔާއިން ބިނާކޮށްދެއްވި މިސްކިތުގެ އެއްވެސް އަސަރެއް އެމިސްކިތުގައި ނެތްއިތު، އެއްފަހަރާ 125 މީހުންނަށް ނަމާދުކުރެވޭ ވަރަށްވަނީ ޖާގަ ބޮޑުކޮށްފައެވެ. އަދި މުޅި މިސްކިތުގެ ސްޓްރަކްޗަރއަށްވަނީ ބަދަލުގެނެސްފައިކަން ފާހަގަކުރެވެއެވެ.

ޙިއްސާ ކުރައްވާ:

ގުޅުންހުރި