ޙައްޖު ވާޖިބު ނުވާބަޔަކު ދައުލަތުގެ ނަމުގައި ޙައްޖައް ގެންދިއުމުގެ ކުރިން، ފައިސާ ދައްކާފައި ޙައްޖައްދިއުމަށް ކިޔޫގައި ތިބި މީހުންނަށް އިސްކަން ދިނުން މާ އައުލާކަން ބޮޑުކަމަށް މީޑިއާ ކައުންސިލްގައި ހިމެނިވަޑައިގަންނަވާ މެމްބަރު، އުސްތާޛް ޢަލީ އިސްމާޢީލް ވިދާޅުވެއްޖެއެވެ.
އުސްތާޛް ޢަލީ މިފަދައިން ވިދާޅުވީ، ތަނަވަސްކަން ނެތް މީހުން ދައުލަތުގެ ޚަރަދުގައި ޙައްޖަށް ގެންދިއުމަކީ އިސްލާމީ އުންމަތުގައި ކުރަމުން އައިކަމެއްކަމަށް އިސްލާމިކް މިނިސްޓަރާއި ޙަވާލާދީ ނޫހެއްގައިވާ ޚަބަރެއް މީސް މީޑިއާގައި ހިއްސާ ކުރަމުންނެވެ.
ޙައްޖަށް ދިއުމަށް ފައިސާ ދައްކާފައިވާ، ޙައްޖު ވާޖިބުވާ އެތައްބަޔަކު ކިޔޫގައި އެބަތިބި. ޙައްޖު ވާޖިބު ނުވާބަޔަކު ދައުލަތުގެ ނަމުގައި ޙައްޖަށް ގެންދިއުމުގެ ކުރިން، މާކުރިއްސުރެ ޙައްޖަށް ދިއުމަށް ފައިސާ ދައްކާފައިވާ ކިޔޫގައި ތިބި ފަރާތްތަކަށް އެފުރުސަތު ދިނުން މާ އައުލާވެގެންވާ ކަމަށް ދެކެން-އުސްތާޛްޢަލީއިސްމާޢީލް
އަދި ފުރަތަމަ އިސްކަމެއް ދީގެން ޙައްޖަށް ދާން ފައިސާ ދައްކާފައިވާ މީހުންގެ ބެކްލޮގް ސާފުކުރުން ރަނގަޅުވާނެކަމަށް ޢަލީ ވަނީ ވިދާޅުވެފައެވެ.
މިކަމާއި ގުޅިގެން ދަނިއުސް އަށް މަޢުލޫމާތު ޙިއްސާ ކުރައްވަމުން އުސްތާޛް ޢަލީ ވިދާޅުވީ ނިކަމެތި ބަޔަކު ސީދާ ދަޢުލަތުން ޚަރަދު ކޮށްގެން ހައްޖަށް ގެންދިއުމަށް ދެކޮޅު ނޫންކަމަށާއި، ގޯހީ އެކަމުގައި ޢަމަލުކުރެވެމުންދާ ގޮތްތައް ކަމަށެވެ. އެގޮތުން ފަޤީރުންގެ ދަފްތަރުގައިވެސް ތިބެނީ ހަމައެކަނި ފަޤީރުން ނޫންކަމަށާއި، އަދި އެދަފްތަރަކީވެސް މާ ރަނގަޅަށް ވެރިފައި ކުރެވިފައިވާ އެއްޗެއް ނޫންކަމަށް ވިދާޅުވިއެވެ.
ދައުލަތުގެ ޚަރަދުގައި ޙައްޖަށް މީހުން ގެންދިއުމަށް އިޝާރަތްކުރައްވާ ރާއްޖޭގެ މަޝްހޫރު ސްކޫލެއްގެ ޓީޗަރެއްގެ ވަޒީފާ އަދާކުރައްވަމުން ގެންދަވާ އަދި އިމާމުވެ ހުކުރު ނަމާދުވެސް ކުރައްވަމުން ގެންދަވާ އަދި މުދިންކަން ކުރަމުން ގެންދަވާ ފަރާތެއް ފަޤީރުންގެ ދަފްތަރުގައި ހިމަނާފައިވާކަމަށްމީސްމީޑިއާގައިވަރަށްބޮޑަށްފެތުރެމުންއެބަދެއެވެ
އުސްތާޛް ޢަލީ އިސްމާޢީލަކީ ޝަރުޢީ އަދި ޤާނޫނީ ދާއިރާއިން ދެވަނަ މާސްޓާރސް ދާދި ފަހުން ޙާސިލް ކުރައްވާފައިވާ ފަރާތެކެވެ.
