ނަވާރަ ވަނަ މަޖިލީހުގައި މެމްބަރުކަމުގެ ދައުރު ނިންމާލީ، އިޤްތިޞާދީ ގޮތުންނާއި، އުމުރާނީ ގޮތުން އަދި އިޖުތިމާއީ ގޮތުން ބިލެތްދޫ ދާއިރާ މީގެކުރިން ދެކެފައި ނުވާ ބޮޑެތި ބަދަލުތަކެއް ގެނެވުމުގެ އިތުރުން، ދާއިރާގެ ތަރައްޤީ އަށް މަޖިލީހުގެ ތަޅުމުގައި ފުރިހަމައަށް ވަކާލާތު ކުރެވުނު ކަމުގެ ހިތްހަމަ ޖެހުމާއެކު ކަމުގައި ބިލެއްދޫ ދާއިރާގެ މެންބަރު ދޮންބިލެތް އަޙްމަދު ހަލީމް ވިދާޅުވެއްޖެއެވެ. ދޮންބިލެއް މިހެން ވިދާޅުވީ ފޭސްބުކްގައި ކުރެއްވި ޕޯސްޓެއްގައެވެ.
“ނިމިގެން މި ދިޔަ ނަވާރަ ވަނަ ރައްޔިތުންގެ މަޖިލީހުގައި ބިލެތްދޫ ދާއިރާ ތަމްސީލު ކުރުމުގެ ހެޔޮ ތައުފީޤު މާތް ﷲ އަޅުގަނޑަށް ދެއްވި ކަމަށްޓަަކައި ޝުކުރު ކުރަން. އަދި އަޅުގަނޑަށް އިތުބާރުކޮށް މި ފުރުސަތު ދެއްވި ދާއިރާގެ ލޮބުވެތި ރައްޔިތުންނަށް ޝުކުރު އަދާ ކުރަން.” ދޮންބިލެތް ވިދާޅުވިއެވެ.
މި ޕޯސްޓްގައި ދޮންބިލެތް އިތުރަށް ވިދާޅުވެފައިވަނީ ދައުރުގައި ދާއިރާ ރައްޔިތުންނާ ގާތުން މަސައްކަތް ކުރުމުގެ ސަބަބުން، ރައްޔިތުންގެ ޚިޔާލާއި މަޝްވަރާ ލިބި، ދާއިރާގެ އަޑު އިއްވައި، ތަރައްޤީ އަށް މަސައްކަތް ކުރުމުގައި އިތުރު ހިތްވަރަކާއި، ޔަޤީން ކަމެއް ލިބުނުކަމަށެވެ. އެކަމަށްޓަކައި ދާއިރާގެ ރައްޔިތުންނަށް ހެޔޮހިތުން ޝުކުރު އަދާ ކުރައްވާ ކަމަށެވެ. މީގެ އިތުރުން ދޮންބިލެތްވަނީ ދާއިރާގެ ތިން ރަށުން ދެއްވި ބޮޑު ތާއީދަށް ޝުކުރު އަދާކުރައްވައި އަދި މަސައްކަތް ކޮށްދެއްވި އެންމެހާ ފަރާތްތަކަށް އިޚުލާސްތެރިކަމާއެކު ޝުކުރު އަދާ ކުރައްވާ ކަމުގައި ވިދާޅުވެފައެވެ.
ކުރިއަށްއޮތް ދުވަސްތަކުގައި ވެސް ހުންނާނީ ދާއިރާ ރައްޔިތުން ކުރެއްވި އިތުބާރާއި، ދެއްވި ލޯތްބާއި އިޙުތިރާމް އަބަދުމެ ހަނދާން ކުރާނެ ބޭފުޅެއް ގޮތުގައި ކަމަށާއި ދާއިރާގެ ކުރިއެރުމަށް މަސައްްކަތް ކުރާ، ދާއިރާގެ ގާތް ބޭފުޅެއް ގޮތުގައި ކަމަށްވެސް ދޮންބިލެތް އަޙްމަދު ހަލީމް ވިދާޅުވިއެވެ.
ނަވާރަވަނަ ރައްޔަތުންގެ މަޖިލީހުގެ ބިލެތްދޫދާއިރާގެ ގޮނޑިއަށް ދޮންބިލެތް އަޙްމަދު ހަލީމް އިންތިޚާބުވީ އޭރުވެރިކަންކުރި އެމްޑީޕީގެ މެންބަރެއްގެ ގޮތުގައެވެ. ވިހިވަނަ ރައްޔަތުންގެ މަޖިލީހުގެ އިންތިޚާބުގައިވެސް އެމްޑީޕީގެ ފަރާތުން ދޮންބިލެތް ވާދަކުރެއްވިއެވެ. ވާދަވެރި އިންތިޚާބަކަށްފަހު 9 ވޯޓުގެ ތަފާތުން އިންތިޚާބް ކާމިޔާބުކޮށް ވިހިވަނަ ރައްޔަތުންގެ މަޖިލީހުގެ ބިލެތްދޫދާއިރާގެ ގޮނޑި ކާމިޔާބުކޮށްފައިވަނީ ޕީއެންސީގެ ކެނޑިޑޭޓް އަޙްމަދު އަސްލަމެވެ.
2 ކޮމެންޓްތައް
mee hama man eh
އަޅުގަނޑުގަބޫލުކުރާގޮތުގާ އަޅުގަނޑުމެންގެ ދާއިރާގެ ތަރަށްގީޔަށް މީން ދުވަހަކު ވެސް ނުކުރެވޭ ވަރަށް މަސައްކަތް ކޮށްދެއްވިކަމަށް އަޅުގަނޑު ހިތުގެ އަޑިން ގަބޫލު ކުރަމެވެ އަދި އަޅުގަނޑުމެންގެ މިދާއިރާއަށް ވޭތުވެދިޔަ 60 އަހަރު ދުވަހު ވެސްނާންނަވަރައް ތަރައްގީ ވަނީ އައިސް ފައެވެ މާތްﷲގެ ވާގިފުޅާއެކު އަދިވެސް އަޅުގަނޑުމެންގެ ދާއިރާގެ ތަރައްގީގެ މަސަތް ކަތުގާ ދެމިހުންނާނެ ކަމުގާ އުންމީދުކުރަމެވެ ޟުކުރިއްޔާ