ފ އަތޮޅު ޤުރުއާން މުބާރާތް މި ނޮވެންބަރު މަހު 23 – 25 އަށް މަގޫދޫގައި ބާއްވާގޮތަށް ހަމަޖައްސައި މުބާރާތުގައި ބައިވެރިވުމުގެ ފުރުސަތު އަތޮޅުކައުންސިލުން، އަތޮޅުގެ ސްކޫލް ތަކަށް ހުޅުވާލައިފިއެވެ. މުބާރާތް މަގޫދޫގައި ބޭއްވުމަށް މަގޫދޫ ސްކޫލާއި ފ އަތޮޅު ކައުންސިލާއި ދެމެދު މިއަދު ވަނީ އެއްބަސްވުމުގައި ސޮއިކޮށްފައެވެ.

މަޢުލޫމާތު ލިބިފައިވާ ގޮތުގައި މުބާރާތް ބޭއްވުމަށް ޕްރޮޕޯސަލް ހުށައެޅުމަށް ހުޅުވާލި ފުރުސަތުގައި ޝައުޤުވެރިކަން ފާޅުކޮށްފައިވަނީ މަގޫދޫގެ އިތުރުން ފީއައްޔާއި ނިލަންދޫއެވެ. ނިލަންދޫއިން ހުށައެޅި ޕްރޮޕޯސަލް ވަނީ ވަގުތަށް އުށައަޅާފައި ނުވާތީ ބާތިލް ވެފައެވެ. މަގޫދޫއަށް މުބާރާތް ބޭއްވުމުގެ ފުރުސަތު ދީފައިވަނީ ފީއައްޔާއި ދެރަށުގެ ޕްރޮޕޯސަލްގެ ތެރެއިން ރަނގަޅު ޕްރޮޕޯސަލް އަކަށް މަގޫދޫގެ ޕްރޮޕޯސަލް ހޮވިފައިވާތީއެވެ.

މި މުބާރާތަކީ 36ވަނަ، ޤުރުއާން ކިޔެވުމުގެ ޤައުމީ މުބާރާތުގައި ފ އަތޮޅު ތަމްސީލް ކުރާނެ ދަރިވަރުން ހޮވުމަށް ބާއްވާ މުބާރާތެކެވެ. މުބާރާތުގައި ހިތުން ކިޔުމާއި ބަލައިގެން ކިޔުމުމުން ކޮންމެ ގޮތްޕަކުން، ކޮންމެ ކީ ސްޓޭޖަކުން 2 ދަރިވަރުން ބައިވެރިކުރުމުގެ ފުރުސަތު ސްކޫލްތަކަށް އޮންނާނެއެވެ. ޤައުމީ މުބާރާތު ގައި ވާދަކުރާ އަތޮޅު ކައުނސްލްގެ ޓީމަށް މިމުބާރާތުން ކޮންމެ ގޮތްޕަކުން 12 ދަރިވަރުން ނަގާނެއެވެ. މިގޮތުން ޤައުމީ މުބާރާތުން ފުރުސަތު ލިބޭނީ ކޮންމެ ގޮތްޕަކުން، ކޮންމެ ކީސްޓޭޖަކުން އެންމެ މަތިން މާކްސްލިބޭ 2 ބައިވެރިންނަށެވެ.

މުބާރާތުގައި ހޮވާނެ ވަނަތައް:

• ބަލައިގެން ކިޔެބުމާއި ނުބަލައިކިޔެވުމުގެ ގޮފިން ކޮންމެ ކީސްޓޭޖަކުން 1ވަނަ، 2ވަނަ އަދި 3ވަނަ.
• މުޅި މުބާރާތުން ބަލައިގެން ކިޔެބުމާއި ނުބަލައިކިޔެވުމުގެ ގޮފިން 1ވަނަ، 2ވަނަ އަދި 3ވަނަ.
• މުޅި މުބާރާތުން 2 ގޮފިއެއްކޮށް 1ވަނަ، 2ވަނަ އަދި 3ވަނަ.
• މުޅި މުބާރާތުން ބަލައިގެން ކިޔެބުމާއި ނުބަލައިކިޔެވުމުގެ ގޮފިން 1ވަނަ، 2ވަނަ އަދި 3ވަނަ ސްކޫލް.
• މުޅި މުބާރާތުން ހުރިހައި ގޮތަކުން 1ވަނަ، 2ވަނަ އަދި 3ވަނަ ދަރިވަރު.
• މުޅި މުބާރާތުން ހުރިހައި ގޮތަކުން 1ވަނަ، 2ވަނަ އަދި 3ވަނަ ސްކޫލް.