ދަރަނބޫދޫ ޑިމޮކްރެޓުން ޑރ.މުއިއްޒު ކެމްޕެއިން ޓީމާއި ގުޅިއްޖެ!

ދަރަނބޫދޫ ޑިމޮކްރެޓުން ޑރ.މުއިއްޒު ކެމްޕެއިން ޓީމާއި ގުޅިއްޖެ!

363408941 6605828222812072 2468044245865835454 N

ދަރަނބޫދޫ ޑިމޮކްރެޓުން ޑރ.މުއިއްޒު ކެމްޕެއިން ޓީމާއި ގުޅިއްޖެ!

ލިޔުން ކިޔާލެވޭނީ ގާތްގަޑަކަށް < 1 މިނިޓުން

މިމަހު 30 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބު 2023 ގެ ދެވަނަ ބުރުގައި ޕީޕީއެމް/ޕީއެންސީ ގެ ކެންޑިޑޭޓް ޑރ. މުއިއްޒުއަށް ތާއީދުކުރުމަށް ދަރަނބޫދޫ ޑިމޮކްރެޓުން ނިންމައިފިއެވެ.

މިކަން ހާމަކުރައްވާ އެޕާޓީގެ ދަރަނބޫދޫ ގޮފީގައި ޙަރަކާތްތެރިވާ އިސް މެމްބަރު މުޙައްމަދު ޢުމަރު އޭނާގެ ފޭސްބުކް ހޭންޑަލްގައި ބުނެފައިވަނީ ޑިމޮކްރެޓްސްގެ ދަރަނބޫދޫ ޓީމް ރަސްމީކޮށް ޑރ.މުއިއްޒު ކެމްޕޭން ޓީމާއި ގުޅިފައިވާކަމަށާއި ﷲގެ އިރާދަފުޅާއެކު މިހާރުގެ ރައީސް ބަލިކުރައްވާނެ ކަމުގައެވެ. މުޙައްމަދުގެ މި ސްޓޭޓަސްއާއި ގުޅިގެން ޕީޕީއެމްގެ ސަޕޯޓަރުން އަންނަނީ އެނިންމުމަށް އުފާކޮށް މަރުޙަބާ ކިޔަމުންނެވެ.

MU
މުޙައްމަދު ޢުމަރު އެފްބީ ޕޯސްޓް

ރިޔާސީ އިންތިޚާބުގެ ފުރަތަމަ ބުރުގައި ޑިމޮކްރެޓުންވަނީ 31 ވޯޓު ހޯދާފައެވެ. މީގެ ކުރިން އެމްޑީޕީ މެމްބަރުންގެ ގޮތުގައި ޑިމޮކްރެޓުން ތިބިއިރުވެސް އިންތިޚާބުތަކުގައި އެވްރެޖްކޮށް 30 ވޯޓު ވަނީ އިންތިޚާބުތަކުން ހޯދާފައެވެ. އެބޭފުޅުންވަނީ އެންމެ ފަހުން ބޭއްވުނު ލޯކަލް ކައުންސިލް އިންތިޚާބުގައިވެސް ޕީޕީއެމްއާއި ކޯލިޝަން ހަދައިގެން އިންތިޚާބުގައި ވާދަކޮށްފައެވެ. އޭރު އެމްޑީޕީގެ ނަމުގައި ޕީޕީއެމްއާއި ކޯލިޝަން ހަދައިގެން ރަށު ކައުންސިލްގެ ގޮނޑިއަކާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ 2 ގޮނޑި އެމްޑީޕީންވަނީ ކާމިޔާބުކޮށްފައެވެ.

ރިޔާސީ އިންތިޚާބުގެ ފުރަތަމަ ބުރުގެ ނަތީޖާއަށްފަހު  ދެވަނަ ބުރުގައި އެޕާޓީން ތާއީދުކުރާނެ ފަރާތެއް ކަނޑައެޅުމަށް ކުރެވުނު މަސައްކަތުން އެދެވޭ ނަތީޖާއެއް ހޯދިފައިނުވާ ޑިމޮކްރެޓުންވަނީ، ދެވަނަ ބުރުގައި އެއްވެސް ކޮޅަކަށް ނާރާނެކަމަށް ރަސްމީކޮށް އިޢުލާނުކޮށްފައެވެ. އެހެން ނަމަވެސް ރަށްރަށުގައި ހަދާފައިވާ އެޕާޓީގެ ގޮފިތަކުން އަންނަނީ ޕީއެންސީގެ ކެންޑިޑޭޓް ޑރ. މުއިއްޒު އެންޑޯޒް ކުރައްވަމުންނެވެ.

ޙިއްސާ ކުރައްވާ:

ގުޅުންހުރި