ނިލަންދޫ ދާއިރާ އެމްޑީޕީއަށް ލަންބާލާނަން – ޖޭފޯ

ނިލަންދޫ ދާއިރާ އެމްޑީޕީއަށް ލަންބާލާނަން – ޖޭފޯ

Viber Image 2023 05 27 22 36 15 775

ނިލަންދޫ ދާއިރާ އެމްޑީޕީއަށް ލަންބާލާނަން – ޖޭފޯ

ލިޔުން ކިޔާލެވޭނީ ގާތްގަޑަކަށް < 1 މިނިޓުން

ކުރިއަށްއޮތް ރިޔާސީ އިންތިޚާބްގައި ނިލަންދޫ ދާއިރާގެ ނަތީޖާ ވެރިކަންކުރާ އެމްޑީޕީ އަށް ލަންބާލާނެކަމަށް، މިއަދު އެމްޑީޕީއަށް ސޮއިކުރެއްވި، ނިލަންދޫ ދާއިރާގެ މަޖިލިސް މެންބަރު އަބްދުލް މުޙްސިން ޙަމީދު (ޖޭފޯ) ވިދާޅުވެއްޖެއެވެ. އެމްޕީ ޖޭފޯ މިހެން ވިދާޅުވީ ދަރަނބޫދޫ ބަނދަރު ހުޅުވުގެ ރަސްމިއްޔާތުގައި މިއަދު ވާހަކަދައްކަވަމުންނެވެ. މިމޭރުމުން ވާހަކަދައްކަވަމުން ޖެފޯވަނީ މީގެކުރިން އެއްވެސް އިންތިޚާބެއްގައި އެމްޑީޕީއަށް މިދާއިރާގެ އަޣްލަބިއްޔަތު ލިބިފައިނެތްކަން ފާގަކުރައްވަމުން “މިފަހަރު އެކަން ބަދަލުކުރާނެ” ކަމުގެ ޔަޤީންކަން ރަޢިސްއަށް އަރުވާކަމަށް ވިދާޅުވެފައެވެ.

މީގެ އިތުރުން އެމްޕީ ޖޭފޯ ވަނީ ރާއްޖޭގެ ނިސްބަތުން ފ އަތޮޅުގެ އާބާދީ މަދުނަމަވެސް މި ދައުރުގައި ގިނަ ޕްރޮޖެކްޓް ތަކެއް ހިންގަވަމުން ގެންދަވާކަން ފާހަގަކުރައްވައި ރައީސަށް ތަޢުރީފް ކުރައްވާފައެވެ. އަދި ޚާއްސަކޮށް ކުރިން ތިންފަހަރެއްގެ މަތިން ބަޖެޓްގައި ޖެހުމުންވެސް ސަރުކާރުން ކުރިއަށްގެންގޮސްފައި ނުވާ އެއަރޕޯޓްގެ މަސައްކަތް އަތޮޅުގައި މިހާރު ކުރިއަށްގެންދަވާކަން ފާހަގަކުރައްވައި ސަރުކާރަށް ޝުކުރު އަދާ ކުރައްވާފައިވެއެވެ.  

ނިލަންދޫ ދާއިރާގެ ނަތީޖާ އެމްޑީޕީ ކޮޅަށް އަނބުރާލާނެކަމަށް ޖޭފޯ ވިދާޅުވިއިރު ފ އަތޮޅަކީ 2018 ވަނަ އަހަރު ބޭއްވުނު ރިއާސީ އިންތިޚާބުގައި އެމްޑީޕީއަށް އަޣްލަބިއްޔަތު ނުލިބުނު ހަމައެކަނި ދެ އަތޮޅުން އެއްއަތޮޅެވެ. އަދި ފ އަތޮޅުގެ އަޣްލަބިއްޔަތު ޕީޕީއެމް އަށް ލިބިފައިވަނީ ނިލަންދޫއިން އެމްޑީޕީއަށް ލިބުނު ބޮޑު ނާކާމީބީއާއި އެކުގައިކަންވެސް ފާހަގަކުރެވެއެވެ.  އެގޮތުން އަތޮޅުގެ އަނެއް ދާއިރާ ކަމުގައިވާ ބިލެއްދޫ ދާއިރާގެ ތިންރަށުގެ އަޣްލަބިއްޔަތުވެސް އެމްޑީޕީއަށް ލިބިފައިވަނީ އެވްރެޖްކޮށް 60 އިންސައްތަ އަށްވުރެ މަތިންނެވެ. އަދި ނިލަންދޫ ދާއިރާގެ އަނެއްރަށް، ދަރަނބޫދޫގެ އަޣްލަބިއްޔަތުވެސް އެމްޑީޕީ އިންވަނީ 61.6 އިންސައްތައިން ކާމިޔާބޮކޮށްފައެވެ. 2018 ގެ ރިޔާސީ އިންތިޚާބުގައި ނިލަންދޫއިން އެމްޑީޕީ އަށް ލިބިފައިވަނީ އެންމެ 26.8 އިންސައްތައެވެ.

ޙިއްސާ ކުރައްވާ:

ގުޅުންހުރި