ދަރަނބޫދޫ ބައިވެރިން އިބަމަ އިނީޝިއަލް ޓްރެއިނިންގ ފުރިހަމަކޮށްފި

ދަރަނބޫދޫ ބައިވެރިން އިބަމަ އިނީޝިއަލް ޓްރެއިނިންގ ފުރިހަމަކޮށްފި

Ibama

ދަރަނބޫދޫ ބައިވެރިން އިބަމަ އިނީޝިއަލް ޓްރެއިނިންގ ފުރިހަމަކޮށްފި

ލިޔުން ކިޔާލެވޭނީ ގާތްގަޑަކަށް < 1 މިނިޓުން

މިނިސްޓްރީ އޮފް ޖެންޑަރ، ފެމެލީ އެންޑް ސޯސިއަލް ސާވިސްއާއި ޔުނިސެފް ގުޅިގެން ކުރިއަށް ގެންދިޔަ “އިބަމަ އިނީޝިއަލް ޓްރެއިނިންގ ޕްރޮގްރާމް” ދަރަނބޫދޫގެ ބައިވެރިން ފުރިހަމަ ކޮށްފިއެވެ. ދެ ދުވަހުގެ މުއްދަތަށް ފ. ނިލަންދޫގައި ކުރިއަށް ގެންދިޔަ މި ޕްރޮގްރާމަކީ މުޅިރާއްޖެއަށް އަމާޒުކުރެވިގެން ކުރިއަށްދާ ޕްރޮގްރާމެކެވެ.

“އިބަމަ” މިނަން ދެވިފައިވަނީ ހައްދުންމަތީގައި ބޭނުންކުރާ ބަހުރުވައިން “ތިބާ (އިބަ) އަދި އަހަރެން (މަ)” އިންނެވެ. އިބަމަ އަކީ “އިޖްތިމާޢީ ބަދަހި މަދަދުވެރިން” ނެވެ. މިއީ ދިވެހިރާއްޖޭގެ މުޖްތަމަޢުތަކަށް އިޖްތިމާޢީ ރައްކާތެރިކަން ފޯރުކޮށްދިނުމުގެ ގޮތުން ޚާއްސަ ގޮތެއްގައި އެހީތެރިކަން ބޭނުންވާ ފަރާތްތައް ދެނެގަނެ، އެފަރާތްތަކަށް ބޭނުންބާ އެހީތެރިކަން ފޯރުކޮށް ދިނުމަށާއި، އެފަރާތްތަކަކީ އިޖްތިމާޢީ ރައްކާތެރިކަން ލިބިގެންވާ ބައެއްކަން ކަށަވަރުކުރުމަށްޓަކައި އަޅަންޖެހޭ ރައްކާތެރިކަމުގެ ފިޔަވަޅުތައް އެޅުމަށާއި ދުޅަހެޔޮ މުޖްތަމަޢެއް ބިނާކުރުމަށްޓަކައި އިޖްތިމާޢީ ރައްކާތެރިކަން މެންޑޭޓް ކުރެވިފައިވާ ދައުލަތުގެ މުވައްސަސާތައް ގުޅިގެން، ވަށާޖެހޭ ގޮތެއްގައި މަސައްކަތް ކުރުމަށްޓަކައި ދިވެހިރާއްޖޭގެ ކޮންމެ ރަށެއްގައި އެކުލަވާލެވޭ މަދަދުވެރިންގެ ގްރޫޕެކެވެ.

މި ގްރޫޕުން ކުރަންޖެހޭ މަސައްކަތްތަކުގެ ތެރޭގައި ހިމެނެނީ އިޖްތިމާޢީ ރައްކާތެރިކަން ކަށަވަރުކޮށް ދޭންޖެހޭ މުވައްސަސާތައް ގުޅިގެން، މުޖުތަމައުގައި ދިރިއުޅޭ ނާޒުކު ހާލަތެއްގައި ހިމެނޭ ކުޑަކުދިންނާއި، ނުކުޅެދުންތެރިކަން ހުންނަ ފަރާތްތަކާއި، އުމުރުން ދުވަސްވީ މީހުންނާއި ގެވެށިއަނިޔާ އާއި އެހެނިހެންވެސް އަނިޔާ ލިބިފައިވާ އަންހެނުންނާއި ފިރިހެނުން ފާހަގަކޮށް އެފަރާތްތަކަށް ލިބިދޭންޖެހޭ އަސާސީ އިޖްތިމާޢީ ޚިދުމަތްތައް ފޯރުކޮށް ދިނުމާއި ފަރުދީ ގުޅުންތައް އުފެއްދުމަށް އެހީތެރިވެދީ ބާރުއެޅުމެވެ.

އިބަމަ ކޮންސެޕްޓްގެ ނިޒާމަކީ މީގެ ވިހިއަހަރު ކުރިން ފެށިގެން ތަޖުރިބާ ކުރަމުން އައިސްފައިވާ ނިޒާމެކެވެ. މި ނިޒާމަށް ލިބެމުން އައި ޚިޔާލުތަކަށް ބިނާކޮށް، މިހާރުމިވަނީ ރަސްމީ ހައިސިއްޔަތަކުން ކޮންމެ ރަށެއްގެ ކައުންސިލުންނާއި ޖެންޑަރ މިނިސްޓްރީ ގުޅިގެން އިދާރީ ކަންތައް ބަލަހައްޓާގޮތަށް، އިބަމައިގެ ނަމުގައި ހިއްސާދާރު މުވައްސަސާތައް ގުޅިގެން ރާވާލެވިފައެވެ.

އިބަމަ ނިޒާމުގައި ހިމެނޭ ހިއްސާދާރު މުވައްސަސާތަކަކީ ރަށު އަދި ސިޓީ ކައުންސިލްތަކާއި، މިނިސްޓްރީ އޮފް ޖެންޑަރ، ފެމެލީ އެންޑް ސޯޝަލް ސާވިސަސް، މިނިސްޓްރީ އޮފް އެޑިއުކޭޝަން، މޯލްޑިވްސް ޕޮލިސް ސާވިސް، ރަށްރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކާއި މިނިސްޓްރީ އޮފް ހެލްތު އަދި ޑިޕާޓްމަންޓް އޮފް ޖުވެނައިލް ޖަސްޓިސްއެވެ.

މި ނިޒާމުގެ ޓްރެއިނިންގ ފ.އަތޮޅުގައި މިހާރު ނިމިފައިވާއިރު ނިޒާމުގައި ހިމެނޭ ހިއްސާދާރު މުވައްސަސާތަކުގެ ތެރެއިން ދަރަނބޫދޫން ބައިވެރިވެފައިވަނީ ދަރަނބޫދޫ ކައުންސިލާއި، ދަރަނބޫދޫ ސިއްޙީމަރުކަޒު އަދި ދަރަނބޫދޫ ޕޮލިސް ޕޯސްޓްގެ މުވައްޒަފުންނެވެ.

ޙިއްސާ ކުރައްވާ:

ގުޅުންހުރި